ന്യൂഡല്‍ഹി: കര്‍താര്‍പൂര്‍ ഇടനാഴി ഉദ്ഘാടനച്ചടങ്ങില്‍ പങ്കെടുക്കാന്‍ പഞ്ചാബില്‍ നിന്നുള്ള കോണ്‍ഗ്രസ് നേതാവും മുന്‍മന്ത്രിയുമായ നവ്‌ജോത് സിങ് സിദ്ദുവിന് കേന്ദ്ര സര്‍ക്കാരിന്റെ അനുമതി.
ഉദ്ഘാടനച്ചടങ്ങിലേക്ക് പാക് പ്രധാനമന്ത്രി ഇമ്രാന്‍ ഖാന്‍ നല്‍കിയ ക്ഷണം സിദ്ദു നേരത്തെ തന്നെ സ്വീകരിച്ചിരുന്നു. എന്നാല്‍, അനുമതി തേടിയുള്ള കത്തിന് കേന്ദ്രവിദേശകാര്യ മന്ത്രാലയം മറുപടി നല്‍കിയിരുന്നില്ല. അനുമതിക്കുള്ള അപേക്ഷ സ്വീകരിച്ചില്ലെങ്കിലും സാധാരണ തീര്‍ഥാടകനായി ചടങ്ങില്‍ പങ്കെടുക്കുമെന്ന് സിദ്ദു പ്രഖ്യാപിച്ചിരുന്നു. ഇതിന് പിന്നാലെയാണ് അനുമതി നല്‍കി കേന്ദ്രം സിദ്ദുവിന് കത്തയച്ചത്.