ഐക്കരപ്പടി: ചെറുകാവ് ഗ്രാമപഞ്ചായത്തില്‍ നടന്ന പകര്‍ച്ചവ്യാധി പ്രതിരോധ അവലോകന യോഗ തീരുമാനപ്രകാരം നാളെ വൈകിട്ട് 5.30 മുതല്‍ ഐക്കരപ്പടിയിലെ വെണ്ണായൂര്‍ യു.പി സ്‌കൂളില്‍ മലമ്പനി രോഗ നിര്‍ണയ ക്യാംപ് നടത്തുന്നു. ഇതര സംസ്ഥാന തൊഴിലാളികളെ വച്ച് ജോലി ചെയ്യിക്കുന്ന മുഴുവന്‍ തൊഴിലുടമകളും തൊഴിലാളികളുടെ പേര് സംസ്ഥാനം തുടങ്ങിയ വിവരങ്ങള്‍ അടങ്ങിയ ലിസ്റ്റ് സഹിതം ക്യാംപില്‍ അവരെ പങ്കെടുപ്പിക്കാനാവശ്യമായ നടപടികള്‍ സ്വീകരിക്കണമെന്ന് ഹെല്‍ത്ത് ഇന്‍സ്‌പെക്ടര്‍ അറിയിച്ചു.
ആരോഗ്യ പരിശോധന നടത്താതെ തൊഴിലാളികളെ ജോലി ചെയ്യിപ്പിക്കുന്നതും ശുചിത്വ മാനദണ്ഡങ്ങള്‍ പാലിക്കാതെ താമസിപ്പിക്കുന്നതും സ്ഥാപന ഉടമകളുടെ വീഴ്ചയായി കണ്ട് പൊതുജനാരോഗ്യ നിയമപ്രകാരം നടപടി ഉണ്ടാകുമെന്നും ഹെല്‍ത്ത് ഇന്‍സ്‌പെക്ടര്‍ അറിയിച്ചു.
ഫോണ്‍: 9846814541 9496357092.