കൊളത്തൂര്‍: മൂര്‍ക്കനാട് കാളിയാര്‍ക്കുളം പൂന്തോട്ടത്തില്‍ തണല്‍ ചാരിറ്റബിള്‍ സൊസൈറ്റി നിര്‍മിച്ചു നല്‍കിയ വീടിന്റെ താക്കോല്‍ ദാനം തദ്ദേശ സ്വയംഭരണ വകുപ്പ് മന്ത്രി കെ.ടി ജലീല്‍ നിര്‍വഹിച്ചു.എസ്.എസ്.എല്‍.സി പരീക്ഷയില്‍ ഉന്നത വിജയം കരസ്ഥമാക്കിയ മൂര്‍ക്കനാട്ടുകാരി പി.കെ ഫര്‍സാന ജാസ്മിന് മന്ത്രി ഉപഹാരം നല്‍കി. സൈഫുദ്ധീന്‍ അഹ്‌സനി അധ്യക്ഷനായി. ചടങ്ങില്‍ പഞ്ചായത്ത് പ്രസിഡന്റണ്ട് കെ രാജഗോപാലന്‍, കെ.എം.സി.സി പ്രതിനിധി പി കാസിം മൂര്‍ക്കനാട്, എം.ടി ഹംസ മാസ്റ്റര്‍, കാളഞ്ചിറ അബു, പി അബ്ദു, പി.കെ അയ്യൂബ് അസ്ഹരി സംസാരിച്ചു.