കൊല്ലങ്കോട്: മുതലമട ചെമ്മ ണാംമ്പതി ചെക്ക്‌പോസ്റ്റിന് സമീപം വീട്ടില്‍ സൂക്ഷിച്ച് വില്‍പന നടത്താനായുള്ള മാന്‍കൊമ്പുകള്‍ കൊല്ലങ്കോട് എസ്.ഐ പി.ബി അനീഷും സംഘവും പിടികൂടി. ആലത്തൂര്‍ ഡിവൈ.എസ്.പി മുഹമ്മദ് കാസിമിന് ലഭിച്ച രഹസ്യവിവരത്തെ തുടര്‍ന്ന് കൊല്ലങ്കോട് സി.ഐ സലീഷിനും എസ്.ഐ അനീഷിനും നല്‍കിയ നിര്‍ദേശത്ത് തുടര്‍ന്ന് ഇന്നലെ വൈകുന്നേരം നാലരയേടെ് നടത്തിയ പരിശോധനയിലാണ് മുതലമട ഗോവിന്ദാപുരം മാണിക്യം ഇല്ലത്തില്‍ ഗോവിന്ദ സ്വാമിമകന്‍ ത്യാഗരാജന്‍ (49) വീട്ടില്‍ സൂക്ഷിച്ച 11 മാന്‍കൊമ്പുകള്‍ പിടികൂടിയത്. 

ആറോളം കൊമ്പുകള്‍ 90 സെ.മീ നീളവും ബാക്കിയുള്ളവ 60 സെ.മീ നീളവും വരുന്നവയാണ്. ആവശ്യവുമായി വരുന്നവര്‍ക്ക് കൊടുക്കുവാന്‍ വേണ്ടിയാണ് വീട്ടില്‍ സൂക്ഷിച്ചതായി പറയുന്നത്. കോടതിയില്‍ ഹാജറാക്കി റിമാന്‍ഡ് ചെയ്ത ശേഷം കേസും തൊണ്ടിമുതലും വനം വന്യജീവി വകുപ്പിന് കൈമാറുമെന്ന് എസ്.ഐ പി.ബി അനീഷ് പറഞ്ഞു. പ്രൊബേഷന്‍ എസ്.ഐ സി.വി ബിവിന്‍ സി.പി.ഒമാരായ ജിജോ അബ്ദുള്‍ നാസര്‍ എന്നിവരടങ്ങുന്ന സംഘമാണ് പരിശോധനയില്‍ എസ്.ഐക്കോടൊപ്പം പങ്കെടുത്തത്.