ആലക്കോട്: രാജ്യത്തെ മുഴുവന്‍ തൊഴിലാളികളും ജനങ്ങളും കോണ്‍ഗ്രസിന്റെ തിരിച്ചുവരവ് ആഗ്രഹിക്കുന്ന കാലഘട്ടമാണന്നും നോട്ട് നിരോധനവും തലതിരിഞ്ഞ സാമ്പത്തിക നയങ്ങളും രാജ്യത്തെ തൊഴിലാളികളെ പട്ടിണിയിലാക്കിയെന്നും കെ.സി ജോസഫ് പറഞ്ഞു.
എ.ഐ.യു.ഡബ്ല്യു.സി ആലക്കോട് മണ്ഡലം തൊഴില്‍ സംരക്ഷണ കണ്‍വന്‍ഷനും മണ്ഡലം പ്രസിഡന്റ് സിബി വളവനാട്ടിന്റെ സ്ഥാനാരോഹണവും ഉദ്ഘാടനം ചെയ്യുകയായിരുന്നു അദ്ദേഹം. ജില്ലാ പ്രസിഡന്റ് നൗഷാദ് ബ്ലാത്തൂര്‍ അധ്യക്ഷനായി. അഡ്വ. സോണി സെബാസ്റ്റ്യന്‍ മുഖ്യപ്രഭാഷണം നടത്തി. തോമസ് വെക്കത്താനം മെംബര്‍ഷിപ്പ് വിതരണോദ്ഘാടനം നിര്‍വഹിച്ചു. സംസ്ഥാന ഭാരവാഹികളായ അഡ്വ. പി. സുനില്‍ കുമാര്‍, സോജിന്‍ പി. വര്‍ഗീസ് എന്നിവര്‍ക്ക് സ്വീകരണം നല്‍കി. പി.ടി മാത്യു, ദേവസ്യ പാലപ്പുറം, ബാബു പള്ളിപ്പുറം ഐബിന്‍ ജേക്കബ് സംസാരിച്ചു.