ഇസ്‌ലാമാബാദ്: ജമ്മു കശ്മീരില്‍ ഇന്ത്യന്‍ സേനയ്‌ക്കെതിരെ പോരാടാന്‍ കശ്മീരികളെ പാകിസ്താനില്‍ പരിശീലിപ്പിച്ചിരുന്നുവെന്ന് മുന്‍ പാക് പ്രസിഡന്റ് പര്‍വേസ് മുഷറഫ്. ഉസാമ ബിന്‍ലാദന്‍ അടക്കമുള്ള ഭീകരവാദികളെ 'പാകിസ്താന്റെ ഹീറോ'കള്‍ എന്നും അദ്ദേഹം വിശേഷിപ്പിച്ചു.

പാകിസ്താനില്‍ നിന്നുള്ള ഫര്‍ഹത്തുല്ല ബാബര്‍ എന്ന രാഷ്ട്രീയ നേതാവ് ട്വിറ്ററില്‍ ഷെയര്‍ ചെയ്ത വീഡിയോ ആണിത്. എന്ന് റെക്കോര്‍ഡ് ചെയ്തതാണ് ഈ വീഡിയോ എന്ന് വ്യക്തമല്ല. 'പാകിസ്താനിലേക്ക് വന്ന കശ്മീരിലേക്ക് നായക സ്വീകരണമാണ് ഇവിടെ നല്‍കിയത്. ഞങ്ങള്‍ അവരെ പരിശീലിപ്പിക്കുകയും പിന്തുണ നല്‍കുകയും ചെയ്തു. ഇന്ത്യന്‍ ആര്‍മിയോട് പോരാടാനുള്ള മുജാഹിദ്ദീന്‍ ആയാണ് ഞങ്ങള്‍ അവരെ പരിഗണിച്ചത്. ഈ കാലയളവില്‍ ലഷ്‌കറേ ത്വയ്ബ പോലുള്ള സംഘടനകള്‍ ശക്തി പ്രാപിച്ചു. ജിഹാദികള്‍ ഞങ്ങളുടെ ഹീറോകളാണ്'- മുഷറഫ് വീഡിയോയില്‍ പറയുന്നു.