ദുഷാന്‍ബെ (തജാകിസ്താന്‍): ലോകകപ്പ് യോഗ്യതാ റൗണ്ടില്‍ ഇന്ത്യ-അഫ്ഗാനിസ്താന്‍ മത്സരത്തില്‍ ഇരു ടീമുകളും ഓരോ ഗോളുകള്‍ അടിച്ച് സമനിലയില്‍ പിരിഞ്ഞു. പകുതി സമയത്തിന്റെ അധികസമയത്താണ് (45+1) അഫ്ഗാന്‍ ആദ്യ ഗോള്‍ നേടിയത്. 93 ാം മിനുട്ടിലാണ് ഇന്ത്യ ഗോള്‍ തിരിച്ചടിച്ച് സമനിലയിലേക്ക് മത്സരത്തിന്റെ ഗതിമാറ്റിയത്.

ഡേവിഡ് നജാമിന്റെന്റെ പാസിലാണ് അഫ്ഗാന്‍ ആദ്യ ഗോള്‍ നേടിയത്.
ഇന്ത്യക്കുവേണ്ടിയുള്ള ഗോള്‍ നേടിയത് സെമിന്‍ലെന്‍ ഡുങ്കലാണ്. നിരവധി അവസരങ്ങള്‍ ഇന്ത്യക്കു ലഭിച്ചുവെങ്കിലും അതൊന്നും മുതലെടുക്കാനായില്ല. അവസരങ്ങള്‍ വിനിയോഗിച്ചിരുന്നുവെങ്കില്‍ വിജയം ഉറപ്പിക്കാവുന്ന മത്സരമാണ് ഇന്ത്യ സമനിലയിലെത്തിച്ചത്.

അനസ് എടത്തൊടിക, അനിരുദ്ധ് ഥാപ്പ, മന്‍വീര്‍ സിങ് എന്നിവരെ പുറത്തിരുത്തി മൂന്ന് മാറ്റങ്ങളുമായാണ് ഇന്ത്യ കളിക്കളത്തിലിറങ്ങിയത്. പ്രീതം കൊടല്‍, ബ്രന്‍ഡന്‍ ഫെര്‍ണാണ്ടസ്, പ്രണോയ് ഹാല്‍ദാര്‍ എന്നിവര്‍ കളത്തിലുണ്ടായിരുന്നുവെങ്കിലും നിരാശയാണ് സമ്മാനിച്ചത്.