നെയ്യാറ്റിന്‍കര: കേരള സ്റ്റേറ്റ് എക്‌സ് സര്‍വിസ് ലീഗ് നെയ്യാറ്റിന്‍കര താലൂക്ക് കമ്മിറ്റിയുടെ ആഭിമുഖ്യത്തില്‍ കാര്‍ഗില്‍ ദിനാഘോഷം സംഘടിപ്പിച്ചു.
നെയ്യാറ്റിന്‍കര താലൂക്ക് ഓഫിസിനു മുന്നിലുളള യുദ്ധസ്മാരകത്തില്‍ താലൂക്ക് പ്രസിഡന്റ് പി.വിജയന്‍ പുഷ്പചക്രം അര്‍പ്പിച്ചു. താലൂക്ക് സെക്രട്ടറി ചന്ദ്രമോഹന്‍ തമ്പിയുടെ നേതൃത്വത്തില്‍ പുഷ്പാര്‍ച്ചനയും മൗന പ്രാര്‍ഥനയും നടത്തി യുദ്ധത്തില്‍ വീരചരമം അടഞ്ഞ ധീരയോദ്ധാക്കളെ സ്മരിച്ചു.
താലൂക്കിന്റെ വിവിധ ഭാഗങ്ങളില്‍ നിന്നും എത്തിച്ചേര്‍ന്ന നൂറോളം വിമുക്തഭടന്മാരും മഹിളാവിങ് പ്രവര്‍ത്തകരും പരിപാടിയില്‍ പങ്കെടുത്തു.
താലൂക്ക് രക്ഷാധികാരി പി.വേലപ്പന്‍നായര്‍ കാര്‍ഗില്‍ ദിനത്തിന്റെ മഹത്വത്തെ കുറിച്ച് വിശദീകരിച്ചു.
കാര്‍ഗില്‍ യുദ്ധം വിജയിച്ചതിന്റെ ആഹ്‌ളാദത്തില്‍ താലൂക്ക് ഖജാന്‍ജി ജയന്തന്റെ നേതൃത്വത്തില്‍ മിഠായി വിതരണം നടത്തി.