മേപ്പയ്യൂര്‍: മാനവികതയിലൂന്നിയ ആശയസംഹിതകളാണ് സമൂഹത്തെ മുന്നോട്ടുനയിച്ചതെന്നും അത്തരം ആശയങ്ങള്‍ സമൂഹത്തിന്റെ വെളിച്ചമാകണമെന്നും എഴുത്തുകാരന്‍ ആലങ്കോട് ലീലാകൃഷ്ണന്‍ അഭിപ്രായപ്പെട്ടു.
മേപ്പയ്യൂരിലെ സി.പി.ഐ നേതാവായിരുന്ന ദേവരാജന്‍ കമ്മങ്ങാട് അനുസ്മരണ മാനവികത സദസ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സാഹിത്യവും കലയും കാലാകാലങ്ങളായി നിര്‍വഹിച്ചത് സമൂഹത്തെ നവീകരിക്കുക എന്ന ദൗത്യമാണ്. കേരളത്തിന്റെ സാംസ്‌കാരിക പുരോഗതിയില്‍ എഴുത്തുകാര്‍ വഹിച്ച പങ്ക് നിസ്തുലമാണെന്നും അദ്ദേഹം സൂചിപ്പിച്ചു.
ഇ. കുഞ്ഞിരാമന്‍ അധ്യക്ഷനായി. സി.പി.ഐ ജില്ലാ സെക്രട്ടറി ടി.വി ബാലന്‍, ആര്‍. ശശി, കെ.കെ ബാലന്‍ മാസ്റ്റര്‍ എന്നിവര്‍ സംസാരിച്ചു.