കണ്ണനല്ലൂര്‍: കണ്ണനല്ലൂര്‍ ജങ്ഷനില്‍ ട്രാഫിക് പരിഷ്‌കരണത്തോടനുബന്ധിച്ച് എടുത്ത് മാറ്റിയ പോസ്റ്റ് ബോക്‌സ് പുനസ്ഥാപിക്കണമെന്ന് കണ്ണനല്ലൂര്‍ പബ്ലിക് ലൈബ്രറി ക്ലബ്ബ് കമ്മിറ്റി യോഗം ആവശ്യപ്പെട്ടു.
തപാല്‍ വകുപ്പിനൊപ്പം പഴക്കമവകാശപ്പെടാവുന്ന കണ്ണനല്ലൂരിലെ പോസ്‌റ്റോഫിസിന് സ്വന്തമായി സ്ഥലം കണ്ടെത്തി കെട്ടിടം നിര്‍മിക്കാനുള്ള ശ്രമങ്ങള്‍ തദ്ദേശ സ്വയംഭരണ സ്ഥാപനവുമായും സര്‍ക്കാരുമായും ബന്ധപ്പെട്ട് സാധ്യമാക്കാന്‍ തപാല്‍ വകുപ്പ് നടപടി സ്വീകരിക്കണമെന്നും യോഗം ആവശ്യപ്പെട്ടു.
ക്ലബ്ബ് പ്രസിഡന്റ് കണ്ണനല്ലൂര്‍ നിസാം അധ്യക്ഷനായി.
സജാദ് സലീം, പി. ഷിജാര്‍, ഷംലാല്‍ കന്നിമേല്‍, അഡ്വ.എസ് അബ്ദുല്‍കരീം, സക്കീര്‍ ഹുസൈന്‍, വഹാബ് എഴുത്താണി, ഐ. അനീഷ്, ഷാഫി ദില്‍ദാര്‍ സംസാരിച്ചു.