ആലക്കോട്: ആലക്കോട് ഒന്‍പതാം ക്ലസുകാരിയെ പ്രണയം നടിച്ച് പീഡിപ്പിക്കാന്‍ ശ്രമിച്ച കേസില്‍ യുവാവ് അറസ്റ്റില്‍. ചപ്പാരപ്പടവ് പെരുമളാബാദിലെ ഒളിയന്റകത്തു മുഹമ്മദ് അഫ്‌സലിനെ (22)യാണ് പോക്‌സോ പ്രകാരം അറസ്റ്റ് ചെയ്തത്.
സ്‌കൂള്‍ വിദ്യാര്‍ഥിയെ ഫോണ്‍ വിളിച്ചും പുറകെ നടന്നും ശല്യം ചെയ്തു വരികയായിരുന്നു. ഇതിനിടെ കഴിഞ്ഞ ദിവസം സുഹൃത്തുമായി സ്‌കൂള്‍ പരിസരത്ത് എത്തിയ ഇയാള്‍ കുട്ടിയെ കാറില്‍ വിളിച്ചുകയറ്റി പീഡിപ്പിക്കാന്‍ ശ്രമിക്കുകയായിരുന്നു. ഇത് ശ്രദ്ധയില്‍പ്പെട്ട അധ്യാപകര്‍ ഇവരെ തടഞ്ഞുനിര്‍ത്തി പൊലിസില്‍ അറിയിച്ചു.