കീവ്: റഷ്യയും ഉക്രൈനുമായുള്ള സംഘര്‍ഷ സാഹചര്യം നിലനല്‍ക്കെ റഷ്യന്‍ പ്രസിഡന്റ് വ്‌ളാദ്മിര്‍ പുടിനുമായുള്ള കൂടിക്കാഴ്ച റദ്ദാക്കിയേക്കുമെന്നു യു.എസ് പ്രസിഡന്റ് ഡൊണാള്‍ഡ് ട്രംപ് മുന്നറിയിപ്പ് നല്‍കി. ജി-20 ഉച്ചകോടിയുടെ ഭാഗമായി അര്‍ജന്റീനിയില്‍ ഇരുവരും കൂടിക്കാഴ്ച നടത്താന്‍ തീരുമാനിച്ചിരുന്നു. അതേസമയം, കപ്പല്‍ പിടിച്ചെടുത്തതുമായി ബന്ധപ്പെട്ട് രൂക്ഷമായ റഷ്യയുമായുള്ള സംഘര്‍ഷം യുദ്ധത്തിലേക്കു നയിക്കുമെന്ന് ഉക്രൈന്‍ പ്രസിഡന്റ് പെട്രോ പൊറഷെന്‍കോ മുന്നറിയിപ്പ് നല്‍കി. അതിര്‍ത്തിയില്‍ റഷ്യ സൈനിക വിന്യാസം വര്‍ധിപ്പിച്ചെന്നും അദ്ദേഹം പറഞ്ഞു.