കൊച്ചി: വിമാനത്താവളത്തില്‍ വച്ച് ദേഹാസ്വാസ്ഥ്യമനുഭവപ്പെട്ട നടനും തിരക്കഥാകൃത്തുമായ ശ്രീനിവാസനെ ആശുപത്രിയില്‍ പ്രവേശിപ്പിച്ചു. നെടുമ്പാശ്ശേരി വിമാനത്താവളത്തിലായിരുന്നു സംഭവം. ചെന്നൈയിലേക്ക് പോകുകകയായിരുന്നു.

എയര്‍പോര്‍ട്ടിലെ പരിശോധനകള്‍ കഴിഞ്ഞ ശേഷം വിമാനത്തിലേക്ക് കയറുന്ന സമയത്താണ് ദേഹാസ്വാസ്ഥ്യം അനുഭവപ്പെട്ടത്. ഉടന്‍ തന്നെ അങ്കമാലി എല്‍.എഫ് ആശുപത്രിയില്‍ എത്തിച്ച് പ്രഥമ ശുശ്രൂഷക്ക്‌ശേഷം എറണാകുളം ആസ്റ്റര്‍ മെഡിസിറ്റിയിലേക്ക് മാറ്റി.