തിരുവനന്തപുരം: നിംസ് മെഡിസിറ്റിയും കൊല്ലം എസ്.എന്‍ കോളജ് ഓഫ് ബയോടെക്‌നോളജി ഡിപ്പാര്‍ട്ട്‌മെന്റും സുപ്രഭാതവുമായി സഹകരിച്ച് എസ്.എന്‍ കോളജില്‍ ഡിസംബര്‍ ഒന്നിന് ജോബ് ഓറിയന്റേഷന്‍ ആന്‍ഡ് പ്ലെയ്‌സ്‌മെന്റ് പ്രോഗ്രാമായ 'സ്പന്ദന്‍' സംഘടിപ്പിക്കും.
ലൈഫ് സയന്‍സസിലെ തൊഴിലന്വേഷകര്‍ക്ക് അനുയോജ്യമായ ജോലി കണ്ടെത്തുന്നതിന് സുവര്‍ണാവസരമൊരുക്കുന്ന പദ്ധതിയാണ് 'സ്പന്ദന്‍'. നിംസ് മെഡിസിറ്റിയുടെ പുതിയ സംരംഭമായ ഹര്‍ഗോവിന്ദ് ഖൊരാന ബയോടെക്‌നോളജി ഫിനിഷിങ് സ്‌കൂളാണ് സ്പന്ദന് നേതൃത്വം നല്‍കുന്നത്.
തൊഴില്‍ദാതാക്കളുടെ ആവശ്യാനുസരണം വിവിധ ജോലികള്‍ക്കനുയോജ്യമായ ഉദ്യോഗാര്‍ഥികളെ കണ്ടെത്തി അവരെ ആ ജോലിക്ക് തയാറാക്കുന്ന പ്രക്രിയയാണ് ജോബ് ഓറിയന്റേഷന്‍ ആന്‍ഡ് പ്ലെയ്‌സ്‌മെന്റ് അസിസ്റ്റന്റ് പ്രോഗ്രാം.
ഓറിയന്റേഷന്‍ പ്രോഗ്രാമിലൂടെ തിരഞ്ഞെടുത്ത ഉദ്യോഗാര്‍ഥികള്‍ക്ക് പരിശീലനം നല്‍കി അനുയോജ്യമായ ജോലി നേടിക്കൊടുക്കുവാനും പ്രോഗ്രാം സഹായിക്കുന്നു. കൊല്ലം എസ്.എന്‍ കോളജില്‍ നടക്കുന്ന പരിപാടിയുടെ രജിസ്‌ട്രേഷനായി 8943473424 എന്ന നമ്പറില്‍ ബന്ധപ്പെടണം.