ഗൂഡല്ലൂര്‍: എന്‍ജിനിയറിങ് വിദ്യാര്‍ഥിയെ അജ്ഞാതര്‍ തട്ടികൊണ്ടുപോയതായി പിതാവ് പൊലിസില്‍ പരാതി നല്‍കി. കുന്നൂരിലെ ക്വീന്‍ഹില്‍ സ്വദേശി രാജ്ഭീര്‍ ഷര്‍മയുടെ മകന്‍ നിതിഷ് ശര്‍മ്മയെയാണ് തട്ടികൊണ്ടുപോയത്. കഴിഞ്ഞദിവസം മകന്‍ കോളജില്‍ നിന്ന് തിരിച്ചെത്താത്തതിനെ തുടര്‍ന്ന് രക്ഷിതാക്കള്‍ പല സ്ഥങ്ങളിലും അന്വേഷിച്ചിരുന്നെങ്കിലും വിവരം ലഭിച്ചിരുന്നില്ല. ഇതിനിടയില്‍ മകനെ വിട്ടുകിട്ടണമെങ്കില്‍ 10 ലക്ഷം രൂപ നല്‍കണമെന്നാവശ്യപ്പെട്ട് രാജ്ഭീര്‍ ഷര്‍മക്ക് ഫോണ്‍ വന്നിരുന്നു.
തുടര്‍ന്നാണ് ഇയാള്‍ കുന്നൂര്‍ പൊലിസില്‍ പരാതി നല്‍കിയത്. പരാതിയുടെ അടിസ്ഥാനത്തില്‍ പൊലിസ് അന്വേഷണം ആരംഭിച്ചിട്ടുണ്ട്. കോത്തഗിരി എന്‍ജിനിയറിങ് കോളജിലെ മൂന്നാം വര്‍ഷ വിദ്യാര്‍ഥിയാണ് കാണാതായ നിതിഷ് ശര്‍മ്മ.