തളിപ്പറമ്പ്: തളിപ്പറമ്പ് അമ്പലം റോഡില്‍ നിയന്ത്രണം വിട്ട ഓട്ടോറിക്ഷ വീടിനുള്ളിലേക്ക് പാഞ്ഞുകയറി രണ്ടുപേര്‍ക്ക് പരുക്കേറ്റു. ഇന്നലെ വൈകുന്നേരം തളിപ്പറമ്പില്‍ നിന്നു പുഴക്കുളങ്ങരയിലേക്കുള്ള യാത്രാമദ്ധ്യേയാണ് രാജരാജേശ്വര ക്ഷേത്രം റോഡില്‍ ചിറക്കു സമീപത്തായി ഓട്ടോറിക്ഷയില്‍ ഇരുചക്ര വാഹനം ഇടിച്ചതാണ് അപകടത്തിനിടയാക്കിയത്.
പരുക്കേറ്റ ഓട്ടോ ഡ്രൈവര്‍ വായാട്ടെ എം.പി റാഷിദിനെ സ്വകാര്യ ആശുപത്രിയില്‍ പ്രവേശിപ്പിച്ചു. നിസാര പരുക്കേറ്റ പുഴക്കുളങ്ങര സ്വദേശികളായ യാത്രക്കാരെ പ്രാഥമിക ചികിത്സ നല്‍കി വിട്ടയച്ചു. അപകടത്തിന് അല്‍പം മുമ്പ് വരെ ഇവിടെ കുട്ടികള്‍ കളിക്കുന്നുണ്ടായിരുന്നു. കുട്ടികള്‍ വീട്ടിനകത്തേക്ക് പോയതിനാല്‍ വന്‍ അപകടമാണ് ഒഴിവായത്. ഓട്ടോറിക്ഷയും ബൈക്കും തളിപ്പറമ്പ് പൊലിസ് കസ്റ്റഡിയിലെടുത്തു.