പേരാമ്പ്ര: തൊട്ടില്‍പാലം, കുറ്റ്യാടി, കോഴിക്കോട് റൂട്ടില്‍ സര്‍വിസ് നടത്തുന്ന കെ.എസ്.ആര്‍.ടി.സി ബസിനെ അമിത വേഗതയില്‍ എത്തിയ സ്വകാര്യ ബസ് ഇടിച്ചു. ഇന്നലെ കാലത്ത് 7.30 പേരാമ്പ്ര ബസ്സ്റ്റാന്‍ഡില്‍വച്ചാണ് തൊട്ടില്‍പാലം- കുറ്റ്യാടി- കോഴിക്കോട് റൂട്ടില്‍ സര്‍വിസ് നടത്തുന്ന കെ.എസ്.ആര്‍.ടി.സിയുടെ ബസിനെ കുറ്റ്യാടി- കോഴിക്കോട് റൂട്ടില്‍ സര്‍വിസ് നടത്തുന്ന അജ്‌വ ബസാണ് ഇടിച്ചത്. തൊട്ടില്‍പാലത്തുനിന്നും കോഴിക്കോട്ടേക്ക് കാലത്ത് യാത്ര ചെയ്യുന്നതിനായി ടിക്കറ്റെടുത്ത സ്ത്രീകളും കുട്ടികളും ഉള്‍പ്പെടുന്ന യാത്രക്കാര്‍ ഏറെ പ്രയാസപ്പെട്ടു. കുറ്റ്യാടി മുതല്‍  കെ.എസ്.ആര്‍.ടി.സി ബസിനെ മറികടക്കാന്‍ അമിതവേഗതയില്‍ എത്തിയ അജ്‌വ ശ്രമിച്ചിരുന്നു.