പള്ളിക്കല്‍: ബി.ജെ.പി പ്രവര്‍ത്തകര്‍ പള്ളിക്കലിലും പെരുവള്ളൂരിലും പ്രതിഷേധ പ്രകടനങ്ങല്‍ നടത്തി. ദേശീയപാതയിലും ഉള്‍പ്രദേശ റോഡുകളിലും ഹര്‍ത്താലനുകൂലികള്‍ വാഹനങ്ങള്‍ തടഞ്ഞു. ദേശീയപാത കാക്കഞ്ചേരിയില്‍ റോഡില്‍ ടയര്‍ കത്തിച്ചും മരത്തടികള്‍ കൂട്ടിയിട്ടും ഗതാഗത തടസം സൃഷ്ടിച്ചു. ഹര്‍ത്താലനുകൂലികളെ വിരട്ടിയോടിച്ച പൊലിസ് റോഡില്‍നിന്നു തടസങ്ങള്‍ നീക്കംചെയ്തു. പള്ളിക്കലിലും വാഹനങ്ങല്‍ തടഞ്ഞെങ്കിലും നിശ്ചിത സമയത്തിനു ശേഷം കടത്തിവിട്ടു. പെരുവള്ളൂര്‍ വരപ്പാറയില്‍ വാഹനങ്ങള്‍ തടയാനെത്തിയവരോടു പെട്ടെന്നുള്ള ഹര്‍ത്താലിനെ വാഹന യാത്രക്കാര്‍ ചോദ്യം ചെയ്തതു സംഘര്‍ഷത്തില്‍ കലാശിച്ചു. തേഞ്ഞിപ്പലം എസ്.ഐ സി.കെ നാസറിന്റെ നേതൃത്വത്തിലെത്തിയ പൊലിസ് സ്ഥിതിഗതികള്‍ ശാന്തമാക്കി.