ആലക്കോട്: ഹര്‍ത്താല്‍ ദിനത്തില്‍ റോഡും പരിസരവും വൃത്തിയാക്കി സ്വാശ്രയ സംഘം പ്രവര്‍ത്തകര്‍. ഒടുവള്ളി ഹാജിവളവില്‍ പ്രവര്‍ത്തിക്കുന്ന തണല്‍ സ്വാശ്രയ സംഘം പ്രവര്‍ത്തകരാണ് റോഡ് ശുചീകരണത്തിനായിറങ്ങിയത്. 

കനത്ത മഴയെ അവഗണിച്ചും പാതയോരത്തെ കാടുകള്‍ അന്‍പതോളം വരുന്ന സംഘം പ്രവര്‍ത്തകര്‍ വെട്ടിത്തെളിച്ചു. ഒടുവള്ളിതട്ടിലെ ഒന്നാം വളവു മുതല്‍ ഹാജി വളവു വരെയുള്ള ഭാഗമാണ് വൃത്തിയാക്കിയത്.
വാഹനങ്ങളില്‍ നിന്ന് വലിച്ചെറിഞ്ഞ മാലിന്യങ്ങള്‍ ശേഖരിക്കുകയും ശാസ്ത്രീയമായി സംസ്‌കരിക്കുകയും ചെയ്തു. വിജയന്‍ പട്ടേരി, ബാബു വെട്ടുകല്ലേല്‍, ആന്റണി പീടിക പറമ്പില്‍, ടി.ജെ ബിനോയ്, കെ.പി രാജേഷ് എന്നിവര്‍ നേതൃത്വം നല്‍കി.