എടവണ്ണപ്പാറ: മാലിന്യ മുക്ത വാഴക്കാട് പഞ്ചായത്തിനായി പഞ്ചായത്തില്‍ ശുചിത്വ ഹര്‍ത്താല്‍ സംഘടിപ്പിച്ചു. സ്‌കൂളുകള്‍, വ്യാപാര സ്ഥാപനങ്ങള്‍, സാമൂഹ്യ പ്രവര്‍ത്തകര്‍, സന്നദ്ധ സംഘടനകള്‍ ,കുടുംബശ്രീ പ്രവര്‍ത്തകര്‍, അയല്‍ സഭകള്‍ എന്നിവരുടെ നേതൃത്വത്തിലായിരുന്നു പരിപാടി സംഘടിപ്പിച്ചത്.
      അതേസമയം ശുചിത്വ ഹര്‍ത്താല്‍ പ്രഹസനമായെന്നും ആക്ഷേപമുണ്ട്. ഹര്‍ത്താലിന്റെ ഭാഗമായി ശേഖരിച്ച മാലിന്യങ്ങള്‍ നീക്കം ചെയ്യാനാകാതെ പലയിടത്തും കൂട്ടിയിട്ടിരിക്കുകയാണ്. ആസൂത്രിതമായി നടത്തേണ്ട പരിപാടി ഉത്തരവാദിത്തപ്പെട്ടവരുടെ പിടിപ്പ് കേടുമൂലം വേണ്ടത്ര വിജയം കണ്ടില്ല.
ആരോഗ്യ പ്രവര്‍ത്തകരുടെ അഭാവവും ആക്ഷേപത്തിന്ന് കാരണമായിട്ടുണ്ട്. പല വാര്‍ഡുകളിലും അയല്‍ സഭ വിളിച്ചിട്ടില്ലെന്നതും ഹര്‍ത്താല്‍ സന്ദേശം പൊതുജനങ്ങളില്‍ എത്തിച്ചിട്ടില്ലെന്നതും ആക്ഷേപത്തിന് കാരണമായിട്ടുണ്ട്.