മാനന്തവാടി: കാലങ്ങളായി ഓട്ടോയുടെ വളയം പിടിക്കുന്ന 'വളയിട്ട കൈകള്‍ക്ക് ' കല്ലോടി ഹയര്‍ സെക്കന്‍ഡറി സ്‌കൂളിലെ എന്‍.എസ്.എസ് യൂനിറ്റിന്റെ ആദരം.
ഓട്ടോറിക്ഷ ഓടിച്ച് കുടുംബം പുലര്‍ത്തിവരുന്ന മാനന്തവാടിയിലേയും കല്ലോടിയിലേയും സ്ത്രീ ഓട്ടോ തൊഴിലാളികളായ ഒന്‍പത് പേരെയാണ് രണ്ടിടങ്ങളില്‍ നടന്ന പരിപാടിയില്‍ ആദരിച്ചത്. ഗാന്ധി പാര്‍ക്കില്‍ വച്ചു നടന്ന ചടങ്ങില്‍ മാനന്തവാടി നഗരസഭാ കൗണ്‍സിലര്‍ പ്രതിഭ ശശിയും കല്ലോടിയില്‍ വച്ചു നടന്ന ചടങ്ങില്‍ എടവക ഗ്രാമ പഞ്ചായത്ത് മെംബറും അധ്യാപകനുമായ നജീബ് മണ്ണാറും ആദരവ് അര്‍പ്പിച്ചു.
ചടങ്ങില്‍ പ്രിന്‍സിപ്പല്‍ എന്‍.പി മാര്‍ട്ടിന്‍, പ്രോഗ്രാം ഓഫിസര്‍ എം.യു തോമസ്, എന്‍.എസ്.എസ് വളണ്ടിയര്‍ കൃഷ്ണ കിഷോര്‍ സംസാരിച്ചു.