പുത്തനത്താണി: മുഹമ്മദ് നബി(സ്വ) അനുപമ വ്യക്തിത്വം എന്ന പ്രമേയത്തില്‍ എസ്.കെ.എസ്.എസ്.എഫ് മലപ്പുറം വെസ്റ്റ് ജില്ലാ കമ്മിറ്റി നടത്തുന്ന ദ്വിദിന മദ്ഹുര്‍റസൂല്‍ പ്രഭാഷണത്തിന് നാളെ പുത്തനത്താണി വാദി മുനവ്വറയില്‍ തുടക്കമാകും.
മഗ്‌രിബിന് ശേഷം മജ് ലിസുന്നൂര്‍, മൗലിദ് സദസുകളോടെ തുടങ്ങുന്ന പരിപാടി കോഴിക്കോട് വലിയ ഖാസി പാണക്കാട് സയ്യിദ് അബ്ദുല്‍ നാസിര്‍ ഹയ്യ് ശിഹാബ് തങ്ങള്‍ ഉദ്ഘാടനം ചെയ്യും. സയ്യിദ് ഉമറലി തങ്ങള്‍ മണ്ണാറക്കല്‍ അധ്യക്ഷനാകും. സയ്യിദ് കെ.കെ.എസ് തങ്ങള്‍ വെട്ടിച്ചിറ അനുഗ്രഹ പ്രഭാഷണം നടത്തും. അഷ്‌റഫ് റഹ്മാനി ചൗക്കി മുഖ്യ പ്രഭാഷണം നടത്തും.
ചൊവ്വാഴ്ച മഗ്‌രിബിന് ശേഷം ബുര്‍ദ, ഖവാലിയോടെ തുടങ്ങുന്ന പരിപാടി പാണക്കാട് സയ്യിദ് അബ്ദുല്‍ റഷീദ് അലി ശിഹാബ് തങ്ങള്‍ ഉദ്്ഘാടനം ചെയ്യും.സയ്യിദ് ഫഖ്‌റുദ്ദീന്‍ ഹസനി തങ്ങള്‍ കണ്ണന്തളി അധ്യക്ഷനാകും. റാസി ബഖവി സൂപ്പര്‍ ബസാര്‍ ഉല്‍ബോധന പ്രഭാഷണം നടത്തും.സിറാജുദ്ദീന്‍ ഖാസിമി പത്തനാപുരം മുഖ്യ പ്രഭാഷണം നടത്തും.പുത്തനത്താണി ഇസ്‌ലാമിക് സെന്ററില്‍ ചേര്‍ന്ന നേതൃ സംഗമത്തില്‍ അനീസ് ഫൈസി മാവണ്ടിയൂര്‍ അധ്യക്ഷനായി. സയ്യിദ് ബാപ്പുട്ടി തങ്ങള്‍ വരമ്പനാല ഉദ്ഘാടനം ചെയ്തു. സയ്യിദ് ഫഖ്‌റുദ്ദീന്‍ ഹസനി തങ്ങള്‍ വിഷയാവതരണം നടത്തി. ശാഫി മാസ്റ്റര്‍ ആട്ടീരി, അബ്ദുള്ള കോയ തങ്ങള്‍ വെട്ടിച്ചിറ, കുഞ്ഞാലന്‍ കുട്ടി ഹാജി ചെലൂര്‍, നിഷാദ് മാസ്റ്റര്‍ ചേലക്കോട്, കോട്ടക്കുളത്ത് അലി, സയ്യിദ് ശാക്കിറുദീന്‍ തങ്ങള്‍ സംസാരിച്ചു.