മനാമ: ബഹ്‌റൈനിലെ ഒരു ജയിലിലേക്ക് മയക്കുമരുന്ന് കടത്താന്‍ ശ്രമിച്ച സന്ദര്‍ശകന്‍ പൊലിസ് പിടിയിലായി. ഇവിടെ ജയിലില്‍ കഴിഞ്ഞിരുന്ന സുഹൃത്തിന് വേണ്ടി മയക്കുമരുന്നുമായി എത്തിയതായിരുന്നു സന്ദര്‍ശകന്‍. ഇയാളുടെ പെരുമാറ്റത്തില്‍ സംശയം തോന്നി പരിശോധിച്ചപ്പോഴാണ് കൈവശമുണ്ടായിരുന്ന മയക്കുമരുന്ന് ഉദ്യോഗസ്ഥര്‍ കണ്ടെത്തിയത്. 17 ഗുളികകളാണ് ഇയാളുടെ പക്കല്‍ നിന്നു കണ്ടെത്തിയത്. ജയിലിലുള്ള സുഹൃത്ത് ഫോണ്‍ ചെയ്ത് ആവശ്യപ്പെട്ടതനുസരിച്ചാണ് മയക്കുമരുന്നുമായി എത്തിയതെന്ന് ഇയാള്‍ പൊലിസിനോടു പറഞ്ഞു.