മേപ്പയ്യൂര്‍: വിളയാട്ടൂര്‍ എളമ്പിലാട് എം.യു.പി സ്‌കൂള്‍ പരിസ്ഥിതി ക്ലബ് 'തണലി'ന്റെ ഒരുവര്‍ഷം നീണ്ടുനില്‍ക്കുന്ന ജലസംരക്ഷണ പരിപാടികള്‍ക്ക് തുടക്കമായി. 'ജീവജലത്തിന്റെ സംരക്ഷകരാവാം' എന്ന പ്രമേയത്തില്‍ രക്ഷിതാക്കള്‍ക്കായി ഏകദിന ശില്‍പശാല സംഘടിപ്പിച്ചു.
മേപ്പയ്യൂര്‍ പഞ്ചായത്ത് വികസനസമിതി ചെയര്‍പേഴ്‌സണ്‍ ശ്രീജയ ഉദ്ഘാടനം ചെയ്തു. മണലില്‍ മോഹനന്‍ കിണര്‍ റീചാര്‍ജിങ് പദ്ധതി വിശദീകരിച്ചു. പി.ടി.എ പ്രസിഡന്റ് അനില്‍കുമാര്‍ അധ്യക്ഷനായി. വാര്‍ഡ് മെംബര്‍ ഷര്‍മിന കോമത്ത്, കൃഷി അസി. വിജില, എന്‍. ഫിയാസ്, പ്രദീപ് മുദ്ര സംസാരിച്ചു. ഇ.കെ മുഹമ്മദ് ബഷീര്‍ സ്വാഗതം പറഞ്ഞു.