കൊല്ലങ്കോട്: ട്യൂഷനു പോകുന്ന വിദ്യാര്‍ഥിനിയെ തട്ടിക്കൊണ്ടുപോകാന്‍ ശ്രമം. പോലിസ് അന്വേഷണം ഊര്‍ജിതമാക്കി. ചൊവ്വാഴ്ച്ച രാവിലെ നിറാക്കോട് റോഡിലാണ് സംഭവം. കൊല്ലങ്കോട്ടെ ട്യൂഷന്‍ ക്ലാസിലേക്ക് പോവുകയായിരുന്ന ഹൈസ്‌കൂള്‍ വിദ്യാര്‍ഥിനിയുടെ പുറകില്‍ചുവന്ന നിറത്തിലുള്ള കാറില്‍ വന്നവരില്‍ ഒരാള്‍ കുട്ടിയുടെ ബാഗില്‍ പിടിച്ച് വണ്ടിയില്‍ കയറ്റാന്‍ ശ്രമിച്ചുവെങ്കിലും കുട്ടി സമീപത്തെ വീട്ടിലേക്ക് ഓടികയറി രക്ഷപ്പെടുകയായിരുന്നു.
സ്‌കൂളിലെത്തിയ സമയത്തു മറ്റൊരു വിദ്യാര്‍ഥിനിയും സമാനമായ അനുഭവം അധ്യാപകരോട് പരാതി ഉന്നയിച്ചതോടെ അധ്യാപകര്‍ പൊലിസിനെ വിവരം അറിയിക്കുകയായിരുന്നു. കൊല്ലങ്കോട് സി.ഐ കെ.പി ബെന്നിയുടെ നേതൃത്വത്തില്‍ അന്വേഷണം ആരംഭിച്ചിട്ടുണ്ട്.