ന്യൂഡല്‍ഹി: അപൂര്‍വമായി മാത്രം ഭൂമിയില്‍ കണ്ടുവരുന്ന വെള്ള നിറത്തിലുള്ള പാമ്പിനെ ഓസ്‌ട്രേലിയയില്‍ കണ്ടെത്തി. ജനിതക മാറ്റമുള്ള പാമ്പിനെയാണ് ഇവിടെ കണ്ടെത്തിയത്.

സിഡ്‌നി ടെറിട്ടറി ദേശീയോദ്യാന അധികൃതരാണ് വാര്‍ത്ത പുറത്തുവിട്ടത്. വെളുത്ത് തിളങ്ങുന്ന പാമ്പിന്റെ ഫോട്ടോയും അധികൃതര്‍ ഫേസ്ബുക്കില്‍ പോസ്റ്റ് ചെയ്തിട്ടുണ്ട്. ഇവിടുത്തെ ഒരു പ്രദേശവാസിക്കാണ് പാമ്പിനെ ലഭിച്ചത്. പാമ്പിനെ നായ ആക്രമിക്കുന്നത് ശ്രദ്ധയില്‍പ്പെട്ടയാള്‍ ഇതിനെ പിടികൂടി ദേശീയോദ്യാന അധികൃതര്‍ക്ക് കൈമാറുകയായിരുന്നു. ഇതിനെ ഇപ്പോള്‍ മൃഗശാലയില്‍ പ്രദര്‍ശനത്തിന് വച്ചിരിക്കുകയാണ്.