നിലമ്പൂര്‍: വൃക്കരോഗികള്‍കള്‍ക്കുള്ള ഇന്‍ഞ്ചക്ഷന്‍ മരുന്നായ റിപോയിറ്റിന്‍ 4000ത്തിനാണ് ചില സ്വകാര്യ മെഡിക്കല്‍ സ്റ്റോറുകള്‍ വന്‍തുക ഈടാക്കുന്നത്.
സംസ്ഥാനത്തെ വിവിധ മെഡിക്കല്‍ കോളജ് പരിസരങ്ങളില്‍ പലയിടത്തും പല വിലകളാണ്. കോഴിക്കോട് മെഡിക്കല്‍ കോളജ് പരിസരത്തുള്ള രണ്ട് മെഡിക്കല്‍ സ്‌റ്റോറുകളില്‍ വില അന്വേഷിച്ചപ്പോള്‍ ഒരു മെഡിക്കല്‍സ് റ്റോറില്‍ മരുന്നിന്റെ എം.ആര്‍.പി വിലയായ 880 രൂപയില്‍ നിന്നും 10 ശതമാനം കുറച്ച് 792 രുപയാണ് മരുന്നിന് വില പറഞ്ഞതെങ്കില്‍ അടുത്ത മെഡിക്കല്‍ സ്റ്റോറില്‍ മരുന്നിന്റെ 75 ശതമാനം കുറച്ച് 220 രുപയാണ് വാങ്ങിയത്.
സ്വകാര്യ ആശുപത്രികള്‍ പോലും ഈ മരുന്നിന് 350 രൂപ മാത്രമാണ് ഈടാക്കുന്നത്.
ഒരു വ്യക്കരോഗി മാസത്തില്‍ 4പ്രാവിശ്യം ഈ.ഇന്‍ഞ്ചക്ഷന്‍ എടുക്കണം.
നിര്‍ധനര്‍ ഉള്‍പ്പെടെയുള്ള കിഡ്‌നി രോഗികളെയാണ് ഈ സ്വകാര്യ മെഡിക്കല്‍ സ്‌റ്റോര്‍ ഉടമകള്‍കൊള്ളയടിക്കുന്നത്. ജീവന്‍ നിലനിറുത്താനുള്ള ശ്രമത്തിനിടയില്‍ പലരുടെയും മുന്നില്‍ കൈ നീട്ടിയാണ് ഇവരില്‍ പലരും മരുന്ന് വാങ്ങാന്‍ എത്തുന്നത്.പണത്തിന്റെ ആര്‍ത്തി മൂലം കണ്ണില്‍ ചോരയില്ലാതെ ഈ പാവങ്ങളെ പിഴിയുകയാണ് സ്വകാര്യ മെഡിക്കല്‍ സ്റ്റോറുകള്‍.
ഇവരുടെ കൊള്ളക്ക് കൂട്ടുനില്‍ക്കുന്നത് ആരോഗ്യ വകുപ്പിലെ ചില ഉന്നതരാണെന്നും ആക്ഷേപമുണ്ട്..