കൊല്ലം: ലക്ഷ്മിനടകൊച്ചുപിലാമൂട് റോഡ്  അടിയന്തരമായി പുനര്‍നിര്‍മിക്കണമെന്ന് കൊല്ലം താലൂക്ക് വികസന സമിതി യോഗത്തില്‍ എം മുകേഷ് എം.എല്‍.എ ആവശ്യപ്പെട്ടു. അഷ്ടമുടി തിരുവനന്തപുരം കെ.എസ്.ആര്‍.ടി.സി ബസ് സര്‍വീസ് പുനഃസ്ഥാപിക്കുന്നതിന് ജില്ലാ ട്രാന്‍സ്‌പോര്‍ട്ട് ഓഫീസര്‍ നടപടി സ്വീകരിക്കണം.
കൊല്ലം ബോയ്‌സ് ഹൈസ്‌കൂളില്‍ കുട്ടികളുടെ എണ്ണത്തിന് അനുപാതികമായി  അധ്യാപകരില്ലെന്ന പരാതി വിദ്യാഭ്യാസ ഡെപ്യൂട്ടി ഡയറക്ടര്‍ പരിശോധിക്കണമെന്നും എം.എല്‍.എ ആവശ്യപ്പെട്ടു.യോഗത്തില്‍ തടത്തിവിള രാധാകൃഷ്ണന്‍ അധ്യക്ഷനായി.  
വിവിധ ഗ്രാമപഞ്ചായത്ത് പ്രസിഡന്റുമാര്‍, രാഷ്ട്രീയ പാര്‍ട്ടി പ്രതിനിധികള്‍, തഹസീല്‍ദാര്‍ പി.ആര്‍ ഗോപാലകൃഷ്ണന്‍ പങ്കെടുത്തു.