മാവേലിക്കര:അഖിലേന്ത്യാ സമാധാന ഐക്യദാര്‍ഡ്യ സമിതിയും മാവേലിക്കര ഗവ.ഗേള്‍സ് ഹൈസ്‌കൂളും ചേര്‍ന്ന് നാഗസാക്കി ദിനം ആചരിച്ചു. താലൂക്ക് പ്രസിഡന്റ് ഹരിദാസ് പല്ലാരിമംഗലത്തിന്റെ അധ്യക്ഷതയില്‍ ചേര്‍ന്ന യോഗത്തില്‍ സ്‌കൂള്‍ ഹെഡ്മാസ്റ്റര്‍ റജി സ്റ്റീഫന്‍, ഡോ.പി.കെ.ജനാര്‍ദ്ദനകുറുപ്പ്, പ്രൊഫ.വി.ഐ.ജോണ്‍സണ്‍, അഡ്വ.എം.ഉണ്ണികൃഷ്ണന്‍ എന്നിവര്‍ പ്രസംഗിച്ചു. ദിനാചരണത്തിന്റെ ഭാഗമായി സമാദാന സന്ദേശ പ്രതിജ്ഞയും എസ്.പി.സി, ജെ.ആര്‍.സി, ഗൈഡ്‌സ് എന്നിവയുടെ നേതൃത്വത്തില്‍ സമാധാനത്തിന്റെ പ്രതീകമായ സഡാക്കോ കോക്കിന്റെ നിര്‍മ്മാണവും പ്രദര്‍ശനവും നടന്നു.
മണ്ണഞ്ചേരി:കാവുങ്കല്‍ പഞ്ചായത്ത് എല്‍ പി സ്‌കൂള്‍ വിദ്യാര്‍ത്ഥികള്‍ ഹിരോഷിമ-നാഗസാക്കി ദിനാചരണം സംഘടിപ്പിച്ചു.പോസ്റ്റര്‍നിര്‍മ്മാണം,പതിപ്പുകള്‍,യുദ്ധവിരുദ്ധ ചിത്രപ്രദര്‍ശനം,ക്വിസ് എന്നിവ നടത്തി. ഹെഡ്മിസ്ട്രസ് പി കെ സാജിത,സീലിയ,സിന്ധു,ഷെമീര്‍,സിമിമോള്‍,ചിഞ്ചു,വീണ എന്നിവര്‍ നേതൃത്വം നല്‍കി.