തെയ്യോട്ടുച്ചിറ : തെയ്യോട്ടുച്ചിറയില്‍ അന്ത്യവിശ്രമം കൊള്ളുന്ന കമ്മു സൂഫിയുടെ പേരില്‍ വര്‍ഷംതോറും നടത്തി വരാറുള്ള ആണ്ട്‌നേര്‍ച്ചയും ആയിരങ്ങള്‍ പങ്കെടുക്കുന്ന ദിക്‌റ് ദുആ മജ്‌ലിസും സെപ്തംബര്‍ മൂന്നു മുതല്‍ എട്ടു വരെ നടത്തും.
നേര്‍ച്ചയോടനുബന്ധിച്ച് ഖത്മുല്‍ ഖുര്‍ആന്‍, അനുസ്മരണ സമ്മേളനം, മത പ്രഭാഷണം, തഹ്ഫീളുല്‍ ഖുര്‍ആന്‍ സനദ്ദാനം, ദികിറ് ദുആ സമ്മേളനം, മൗലിദ് പാരായണം, അന്നദാനം തുടങ്ങിയ വിപുലമായ പരിപാടികള്‍ നടക്കും.
പാണക്കാട് സയ്യിദ് ഹൈദറലി ശിഹാബ് തങ്ങള്‍, പാണക്കാട് സയ്യിദ് റശീദലി ശിഹാബ് തങ്ങള്‍, സയ്യിദ് ഇമ്പിച്ചിക്കോയ തങ്ങള്‍ കൊടക്കാട്, ഏലംകുളം ബാപ്പു മുസ്‌ലിയാര്‍, മാത്തൂര്‍ ഉസ്താദ്, അല്‍ ഹാഫിള് അഹ്മദ് കബീര്‍ ബാഖവി കാഞ്ഞാര്‍, അന്‍വര്‍ മുഹ്‌യദ്ദീന്‍ ഹുദവി ആലുവ, ഇബ്രാഹീം ഖലീല്‍ ഹുദവി കാസര്‍ക്കോട് തുടങ്ങിയ പ്രമുഖര്‍ സംബന്ധിക്കും.