കൊച്ചി: പനമ്പള്ളി നഗറില്‍ ബ്യൂട്ടിപാര്‍ലറിനു നേരെ വെടിവയ്പ്പ്. ബൈക്കിലെത്തിയ രണ്ടംഗ സംഘമാണ് വെടിയുതിര്‍ത്തത്. ഉച്ചയ്ക്ക് മൂന്നരയോടെയാണ് സംഭവം. വെടിവയ്പ്പിനു ശേഷം അക്രമികള്‍ ബൈക്കില്‍ രക്ഷപ്പെട്ടു. സംഭവത്തില്‍ ആര്‍ക്കും പരുക്കില്ല.

പൊലിസ് സ്ഥലത്തെത്തി പരിശോധിച്ച് വരികയാണ്. അക്രമികളുടെ സി.സി ടി.വി ദൃശ്യങ്ങള്‍ ലഭിച്ചിട്ടുണ്ട്.

സാമ്പത്തിക തട്ടിപ്പ് കേസില്‍ ഉള്‍പ്പെട്ട നടി ലീന മരിയ പോളിന്റെ ഉടമസ്ഥതയിലുള്ളതാണ് ബ്യൂട്ടിപാര്‍ലര്‍. നേരത്തെ 25 കോടി രൂപ ആവശ്യപ്പെട്ട് ഇവര്‍ക്ക് ഭീഷണി സന്ദേശം ലഭിച്ചിരുന്നതായും റിപ്പോര്‍ട്ടുണ്ട്.