പെരിങ്ങോട്ടുകുറുശ്ശി: ജീവകാരുണ്യ രംഗത്ത് പ്രത്യേക വിശേഷണങ്ങള്‍ ആവശ്യമില്ലാത്ത ദയ ചാരിറ്റബിള്‍ ട്രസ്റ്റ് നിര്‍ധന കുടുംബത്തിലെ കുട്ടികള്‍ക്ക് വിദ്യാഭ്യാസ സഹായം നല്‍കി. പരുത്തിപ്പുള്ളി മുളഞ്ഞൂര്‍ വീട്ടില്‍ വിനയന്‍, അനിയന്‍ എന്നീ വിദ്യാര്‍ത്ഥികള്‍ക്കാണ് ലാപ്‌ടോപ് ഉള്‍പ്പടെ സാമ്പത്തിക സഹായം നല്‍കിയത് . കഴിഞ്ഞ എസ്.എസ് . എല്‍. സി. പരീക്ഷയില്‍ ഈ കുട്ടികള്‍ സമ്പൂര്‍ണ്ണ എ പ്ലസ് നേടിയിരുന്നു. പരുത്തിപ്പുള്ളിയില്‍ നടന്ന ചടങ്ങില്‍ ദയ ചാരിറ്റബിള്‍ ട്രസ്‌ററ് ചെയര്‍മാന്‍ ഇ.ബി.രമേഷ്,ഡോ. സരിന്‍ എന്നിവര്‍ സഹായ വിതരണം നടത്തി. ദയ ട്രസ്റ്റി സി. ശ്രീലത, ഷൈനിരമേഷ്, ബമ്മണൂര്‍ ജി യു പി സ്‌കൂള്‍ പ്രധാനധ്യാപിക വി.എസ്. രമണി, ഗ്രാമ പഞ്ചായത്തംഗം വി. ബിന്ദു, മാമുക്കോയ തറമ്മല്‍, കെ.പുഷ്പരാജ് പ്രസംഗിച്ചു.