കാസര്‍കോട്: യുവതിയെ ലൈംഗികമായി പീഡിപ്പിച്ച കേസില്‍ പ്രതിയായ 72 കാരനെ പൊലിസ് അറസ്റ്റു ചെയ്തു. കാസര്‍കോട് കുഡ്‌ലുവിലെ രാമചന്ദ്രനെ (72) യാണ് കാസര്‍കോട് ടൗണ്‍ സി.ഐ അബ്ദുര്‍ റഹീം അറസ്റ്റു ചെയ്തത്. കാസര്‍കോട് പൊലിസ് സ്റ്റേഷന്‍ പരിധിയിലെ യുവതിയാണ് രാമചന്ദ്രനെതിരേ പരാതി നല്‍കിയത്.
ഒരു വര്‍ഷമായി രാമചന്ദ്രന്‍ തന്നെ ലൈംഗികമായി പീഡിപ്പിച്ചു വരികയായിരുന്നുവെന്ന് 30കാരിയായ യുവതി പൊലിസില്‍ നല്‍കിയ പരാതിയില്‍ പറയുന്നു.
പീഡനത്തെ തുടര്‍ന്ന് ഗര്‍ഭിണിയായ യുവതി കഴിഞ്ഞ ദിവസം കാസര്‍കോട്ടെ ആശുപത്രിയില്‍ ആണ്‍കുഞ്ഞിന് ജന്മം നല്‍കുകയും ചെയ്തിരുന്നു. കേസിലെ പ്രതിയായ രാമചന്ദ്രന് ഭാര്യയും മക്കളുമുണ്ട്.