നീലേശ്വരം: കരിന്തളത്തു ബി.ജെ.പി പ്രവര്‍ത്തകര്‍ തമ്മില്‍ സംഘര്‍ഷം. ഒരാള്‍ക്കു കുത്തേറ്റു. വാളൂരിലെ അനീഷിനാണ് (35) കുത്തേറ്റത്. അനീഷ് താലൂക്ക് ആശുപത്രിയില്‍ ചികിത്സയിലാണ്.
കൊടിമരം പിഴുതതുമായി ബന്ധപ്പെട്ട തര്‍ക്കമാണ് സംഘര്‍ഷത്തില്‍ കലാശിച്ചത്. സംഘടനാ വിരുദ്ധ പ്രവര്‍ത്തനത്തിനു നടപടി നേരിട്ട ബി.എം.എസ് പ്രവര്‍ത്തകന്‍ സജീഷ് ബി.ജെ.പിയുടെ കൊടിമരം പിഴുതു നീക്കിയിരുന്നു. ഇതേത്തുടര്‍ന്നാണ് സംഘര്‍ഷമുണ്ടായത്. സജീഷിനെതിരെ പൊലിസ് കേസെടുത്തു.