പയ്യന്നൂര്‍: വീട്ടില്‍ ടൈല്‍സ് പാകിയതിനെ ചൊല്ലിയുള്ള തര്‍ക്കത്തില്‍ സഹോദരന്‍ സഹോദരിയെ മര്‍ദിച്ചതായി പരാതി. കോറോം കാനായി സ്വദേശിനിയും മുക്കൂട്ടിലെ രമേശന്റെ ഭാര്യയുമായ എം. ശ്യാമളയുടെ (38) പരാതിയില്‍ ഇവരുടെ സഹോദരനായ നാരായണനെതിരേപൊലിസ് കേസെടുത്തു. വീടിന്റെ നിര്‍മാണ പ്രവൃത്തിയുമായി ബന്ധപ്പെട്ട് ടൈല്‍സ് പാകിയതിന്റെ കൂലിയെച്ചൊല്ലിയുണ്ടായ വാക്കേറ്റത്തിനിടെ മരവടിയുപയോഗിച്ച് മര്‍ദിക്കുകയും അടിയേറ്റ് നിലത്ത് വീണപ്പോള്‍ വയറില്‍ ചവിട്ടി പരുക്കേല്‍പ്പിച്ചുവെന്നും ശ്യാമള പൊലിസില്‍ നല്‍കിയ പരാതിയില്‍ പറയുന്നു.