നന്തിബസാര്‍: അശരണര്‍ക്ക് കൈത്താങ്ങാവാന്‍ സന്നദ്ധസംഘടനകള്‍ മുന്നോട്ടുവരുന്നത് ശ്ലാഘനീയമാണെന്ന് മന്ത്രി ടി.പി രാമകൃഷ്ണന്‍ പറഞ്ഞു. മൂടാടി പുറക്കല്‍ കൈത്താങ്ങ് ചാരിറ്റബിള്‍ സൊസൈറ്റിയുടെ ആംബുലന്‍സ് ഉദ്ഘാടനം നിര്‍വഹിക്കുകയായിരുന്നു മന്ത്രി. ചടങ്ങില്‍ കെ. ദാസന് എം.എല്‍.എ അധ്യക്ഷനായി. രക്തദാനസേനയുടെ ഉദ്ഘാടനം സി.കെ നാണു എം.എല്‍.എ നിര്‍വഹിച്ചു.പാലിയേറ്റീവ് ഉപകരണങ്ങള്‍ പന്തലായനി ബ്ലോക്ക് പഞ്ചായത്ത് പ്രസിഡന്റ് കെ.എം ശോഭയും മൊബൈല്‍ ഫ്രീസര്‍ ജയ്‌സലും ഏറ്റുവാങ്ങി. പ്രളയദുരിതത്തില്‍ മാതൃകാപരമായ പ്രവര്‍ത്തനം നടത്തിയ മത്സ്യത്തൊഴിലാളികളെ മൂടാടി ഗ്രാമപഞ്ചായത്ത് പ്രസിഡന്റ് ശ്രീജ പട്ടേരിയും ജൈസല്‍നെ വൈസ് പ്രസിഡന്റ് കെ. ജീവാനന്ദനും ആദരിച്ചു.സി.കെ ശ്രീകുമാര്‍ പി.വി ഗംഗാധരന്‍ ശ്രീജിത ഒതയോത്ത് പികെ അജയന്‍ കൊയിലാണ്ടി സബ് ഇന്‍സ്‌പെക്ടര്‍ സജു എബ്രഹാം സംസാരിച്ചു.