HOME
DETAILS

കൊപ്പത്ത് വീണ്ടും വന്‍ കുഴല്‍പ്പണവേട്ട: 48 ലക്ഷം പിടികൂടി

  
backup
December 22 2018 | 03:12 AM

%e0%b4%95%e0%b5%8a%e0%b4%aa%e0%b5%8d%e0%b4%aa%e0%b4%a4%e0%b5%8d%e0%b4%a4%e0%b5%8d-%e0%b4%b5%e0%b5%80%e0%b4%a3%e0%b5%8d%e0%b4%9f%e0%b5%81%e0%b4%82-%e0%b4%b5%e0%b4%a8%e0%b5%8d%e2%80%8d-%e0%b4%95

കൊപ്പം: കാറില്‍ കടത്താന്‍ ശ്രമിക്കുകയായിരുന്ന 48 ലക്ഷം രൂപയുടെ കുഴല്‍പ്പണം കൊപ്പത്ത് പിടികൂടി. സംഭവത്തില്‍ പുലാമന്തോളില്‍ വാടകക്ക് താമസിക്കുന്ന മഹാരാഷ്ട്ര സ്വദേശി പട്ടോല വീട്ടില്‍ വിജയകുമാര്‍ (36), നാട്യമംഗലം പള്ളിയാലില്‍ മുഹമ്മദലി (23) എന്നിവരെ കൊപ്പം എസ്. ഐ എം. ബി രാജേഷിന്റെ നേതൃത്വത്തിലുള്ള പൊലീസ് സംഘം അറസ്റ്റ് ചെയ്തു. ജില്ലാ പൊലീസ് മേധാവി ദേബേഷ്‌കുമാര്‍ ബെഹ്‌റക്ക് ലഭിച്ച രഹസ്യവിവരത്തെ തുടര്‍ന്ന് ഷൊര്‍ണൂര്‍ ഡി.വൈ.എസ്. പി കെ. മുരളീധരന്റെ നിര്‍ദേശപ്രകാരമായിരുന്നു പരിശോധന.
വെളളിയാഴ്ച രാവിലെ കൊപ്പം ടൗണില്‍ നിന്നാണ് കാര്‍ കസ്റ്റഡിയില്‍ എടുത്തത്. കോയമ്പത്തൂരില്‍ നിന്നും പുലാമന്തോളിലേക്ക് കൊണ്ടു വരികയായിരുന്നു പണം. കാറിന്റെ മുന്‍ സീറ്റിലെ രഹസ്യ അറയിലാണ് പണം ഒളിപ്പിച്ചിരുന്നത്. 500 ന്റെയും 2000 ത്തിന്റെയും നോട്ടുകളാണ് പിടിച്ചെടുത്ത്. പ്രതികളെ പട്ടാമ്പി കോടതിയില്‍ ഹാജരാക്കി. പരിശോധന സംഘത്തില്‍ എസ്.ഐക്ക് പുറമേ അഡിഷണല്‍ എസ്.ഐ.രാമകൃഷ്ണന്‍, എ.എസ്.ഐ. അരവിന്ദാക്ഷന്‍, എസ്.സി.പി.ഒ. രാജേഷ്, സി.പി.ഒ.മാരായ റിനുമോഹന്‍, കലാധരന്‍, ശിവദാസ്, ഉണ്ണികൃഷ്ണന്‍, റൈജു, വനിത സി.പി.ഒ.സജിത എന്നിവരും ഉണ്ടായിരുന്നു. മൂന്ന് മാസത്തിനുള്ളില്‍ മൂന്നാംതവണയാണ് കൊപ്പം സ്റ്റേഷന്‍ പരിധിയില്‍ നിന്നും കുഴല്‍പ്പണം പിടികൂടുന്നത്.

 

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."