കളമശേരി: യുവത്വം നിര്‍മാണത്തിന് എന്ന പ്രമേയവുമായി യൂത്ത് ലീഗ് നടത്തുന്ന ശാഖാ ശാക്തീകരണത്തിന്റെ ഭാഗമായുള്ള യൂത്ത് കോണ്‍ഫാബിന് തുടക്കമായി. ചങ്ങമ്പുഴ നഗര്‍ ശാഖയുടെ ആഭിമുഖ്യത്തില്‍ നടന്ന യൂത്ത് കോണ്‍ഫാബ് ഉദ്ഘാടനം യൂത്ത് ലീഗ് സംസ്ഥാന വൈസ് പ്രസിഡന്റ് പി.എ അഹമദ് കബീര്‍ നിര്‍വഹിച്ചു.
യൂത്ത് ലീഗ് ചങ്ങമ്പുഴ നഗര്‍ ശാഖ പ്രസിഡന്റ് കെ.എ മുഹമദ് അല്‍ത്താഫ് അധ്യക്ഷനായി. മുസ്‌ലിം ലീഗ് ചങ്ങമ്പുഴ നഗര്‍ ശാഖ മുന്‍ പ്രസിഡന്റായിരുന്ന ഇ.എ അബ്ദുല്‍ ഖാദര്‍ അനുസ്മരണ പ്രഭാഷണം ജില്ലാ ജനറല്‍ സെക്രട്ടറി കെ.എ മുഹമ്മദ് ആസിഫ് നടത്തി. വിദ്യാഭ്യാസ അവാര്‍ഡുകള്‍ മണ്ഡലം പ്രസിഡന്റ് കെ.പി സുബൈര്‍ വിതരണം ചെയ്തു. ചടങ്ങില്‍ ലീഗ് ടൗണ്‍ നേതാക്കള്‍ക്ക് സ്വീകരണവും നല്‍കി.
ലീഗ് ടൗണ്‍ പ്രസിഡന്റ് പി.എം.എ ലത്തീഫ്, ജനറല്‍ സെക്രട്ടറി പി.ഇ അബ്ദുല്‍ റഹീം, യൂത്ത് ലീഗ് ടൗണ്‍ പ്രസിഡന്റ് പി.എം ഫൈസല്‍, ജനറല്‍ സെക്രട്ടറി പി.എ ഷമീര്‍, എം.എസ്.എഫ് ടൗണ്‍ പ്രസിഡന്റ് വി.എസ് സമീല്‍, ജനറല്‍ സെക്രട്ടറി സി.കെ ഷാമിര്‍, ലീഗ് ഭാരവാഹികളായ കെ.പി സെയ്ത്മുഹമദ്, അബ്ദുല്‍ ഖാദര്‍ തീനാടന്‍, സിദ്ധീഖ് ചെങ്ങണ്ടറ, കെ. അബൂബക്കര്‍ , കെ.എ സുബൈര്‍, പി.പി ബീരാസ്, യൂത്ത് ലീഗ് ഭാരവാഹികളായ കെ.എം മുഹമ്മദ് നിയാസ്, സലീം കാരുവള്ളി, കെ.എ വഹാബ്, കെ.പി സലീം, കെ.ഇ മാഹിന്‍ തുടങ്ങിയവര്‍ പ്രസംഗിച്ചു.
ശാഖ ജനറല്‍ സെക്രട്ടറി കെ.എസ് മുഹമ്മദ് അക്ബര്‍ സ്വാഗതവും സെക്രട്ടറി എം.എസ് അഫ്‌സല്‍ നന്ദിയും പറഞ്ഞു.