കുവൈത് സിറ്റി: ലോകത്തെ മുള്‍ മുനയിലാക്കി യുദ്ധത്തിനായി തയ്യാറാകുന്ന ഉത്തരകൊറിയക്കെതിരെ നീക്കവുമായി അറബ് രാജ്യമായ കുവൈത് രംഗത്തെത്തി.

ഉത്തരകൊറിയക്കെതിരെ തങ്ങളാല്‍ കഴിയുന്ന നീക്കം നടത്താനാണ് കുവൈത് നീക്കം. പ്യോങ്‌യാങില്‍ നിന്നുള്ള വിമാന സര്‍വ്വീസുകള്‍ നിര്‍ത്തിവെക്കാനും ഉത്തരകൊറിയന്‍ പൗരന്മാര്‍ക്കുള്ള വിസകള്‍ റദ്ദ് ചെയ്യുന്നതടക്കമുള്ള കാര്യങ്ങളുമായി കുവൈത് മുന്നോട്ടു പോകുകയാണെന്ന് വിദേശ കാര്യാ മന്ത്രാലയത്തെ ഉദ്ധരിച്ചു മാധ്യമങ്ങള്‍ റിപ്പോര്‍ട്ട് ചെയ്തു.

ഇവിടെ നിന്നുള്ള തൊഴിലാളികള്‍ക്ക് വിലക്കേര്‍പ്പെടുത്താനും കൊമേഴ്‌സല്‍ ലൈസന്‍സ് നിര്‍ത്തിവെക്കാനും പദ്ധതിയുണ്ട്. ഉത്തരകൊറിയക്കെതിരെ അമേരിക്കന്‍ പ്രസിഡന്റ് ഡൊണാള്‍ഡ് ട്രംപ് കൂടുതല്‍ ശക്തമായി രംഗത്തെത്തിയതിനു പിന്നാലെയാണ് കുവൈത്ത് തങ്ങളുടെ നിലപാട് വ്യക്തമാക്കിയത്.