റിയാദ്: യമന്‍ സര്‍ക്കാരിന് വേണ്ടി യുദ്ധത്തിലേര്‍പ്പെട്ട സഖ്യ സേനയുടെ ഹെലികോപ്റ്റര്‍ അപകടത്തില്‍ പെട്ട് നാല് സൈനികര്‍ കൊല്ലപ്പെട്ടു. വെള്ളിയാഴ്ച വൈകീട്ട് സാങ്കേതിക തകരാര്‍ മൂലം ഹെലികോപ്റ്റര്‍ അപകടത്തില്‍ പെടുകയായിരുന്നുവെന്നു സഖ്യ സേന വ്യക്തമാക്കി.

സഖ്യ സേന വക്താവ് തുര്‍ക്കി അല്‍ മാലികിയെ ഉദ്ധരിച്ചു യു.എ.ഇ ഔദ്യോഗിക ഏജന്‍സി വാം സ്ഥിരീകരിച്ചിട്ടുണ്ട്. യമനിലെ ശബ്‌വ പ്രവിശ്യയില്‍ സാധാരണ നിരീക്ഷണ പറക്കലിനിടെയാണ് സാങ്കേതിക തകരാര്‍ കണ്ടെത്തിയത്. നിയന്ത്രണം നഷ്ട്ടപ്പെടുമെന്ന ഘട്ടത്തില്‍ അടിയന്തിര ലാന്‍ഡിങ് നടത്തുന്നതിനിടെയാണ് അപകടം.

യു.എ.ഇ സേനയിലെ ക്യാപ്റ്റന്‍ അഹ്മദ് ഖലീഫ അല്‍ ബലൂശി , ഉപാസനാപതിയും പൈലറ്റുമായ സാലിഹ് അല്‍ സാബി, അണ്ടര്‍ സെക്രട്ടറി മുഹമ്മദ് സാഇദ് അല്‍ ഹസനി, സമീര്‍ മുഹമ്മദ് മുറാദ് അബൂബക്കര്‍ എന്നിവരാണ് കൊല്ലപ്പെട്ടത്.