കസര്‍കോട്: 'കാലം നമ്മെ വിളിക്കുന്നു' എന്ന പ്രമേയത്തിന്റെ ഓഗസ്റ്റ് 25 മുതല്‍ സെപ്റ്റംബര്‍ 25 വരെ ഒരു മാസം നീണ്ടു നില്‍ക്കുന്ന പഞ്ചായത്തുതല വിചാരസദസ് സംഘടിപ്പിക്കുവാന്‍ എസ്.വൈ.എസ് ജില്ലാ സെക്രട്ടറിയേറ്റ് യോഗം തീരുമാനിച്ചു.
കാംപയിന്റെ ഭാഗമായി ആമില സംഗമം, മജ്‌ലിസുന്നൂര്‍, പ്രവര്‍ത്തക കണ്‍വന്‍ഷന്‍, പദ്ധതി അവതരണം, പോസ്റ്റര്‍ പ്രകാശനം, പഠന ക്ലാസ്, തുടങ്ങിയവ ജില്ലയിലെ അഞ്ചു മണ്ഡലങ്ങളിലെ മുഴുവന്‍ പഞ്ചായത്ത്, നഗരസഭകളിലും നടക്കും. കാംപയിന്റെ ഭാഗമായി ജില്ലാ എക്‌സ്‌ക്യൂട്ടിവ് മീറ്റും മണ്ഡലംതല കണ്‍വന്‍ഷനും നടക്കും. യോഗത്തില്‍ പി.എസ് ഇബ്രാഹിം ഫൈസി പള്ളങ്കോട് അധ്യക്ഷനായി. അബൂബക്കര്‍ സാലൂദ് നിസാമി, എസ്.പി സ്വലാഹുദ്ദിന്‍ മൊഗ്രാല്‍ പുത്തൂര്‍, കണ്ണൂര്‍ അബ്ദുല്ല, യു സഅദ് ഹാജി, ഷരിഫ് ഹാജി പടന്ന, അഷ്‌റഫ് മിസ്ബാഹി ചിത്താരി, ഹംസഹാജി പള്ളിപ്പുഴ സംസാരിച്ചു.