അനുവദനീയമല്ലാത്ത സ്ഥലങ്ങളില്‍ ഓടിച്ച് പൊതു ശല്യമായി മാറിയ 1,780 സ്‌കൂട്ടറുകളും സൈക്കിളുകളും അടുത്തിടെ ട്രാഫിക് സുരക്ഷാ കാമ്പെയ്‌നിന്റെ ഭാഗമായി ദുബൈ പൊലിസ് പിടിച്ചെടുത്തതായി അതോറിറ്റി അറിയിച്ചു.

അല്‍ റിഫ പോലീസ് സ്റ്റേഷനുമായി സഹകരിച്ച് അതോറിറ്റി നടത്തിയ കാമ്പെയ്‌നിലാണ് അല്‍ റിഫ അധികാരപരിധിയില്‍ നിന്ന് 1,417 സൈക്കിളുകളും 363 ഇലക്ട്രിക് സ്‌കൂട്ടറുകളും പിടിച്ചെടുത്തത്. പൊതു റോഡുകള്‍, കാല്‍നട പാതകള്‍ എന്നിവിടങ്ങളിലെ സ്‌കൂട്ടറുകളുടെയും സൈക്കിളുകളുടെയും അമിതഉപയോഗം, റൈഡര്‍മാര്‍ക്കും മറ്റ് റോഡ് ഉപയോക്താക്കള്‍ക്കും കാര്യമായ അപകടസാധ്യതയും ശല്യവും ഉണ്ടാക്കിയിരുന്നു.

ഹെല്‍മെറ്റ് ധരിക്കാതിരിക്കുക, ട്രാഫിക് സിഗ്‌നലുകള്‍ അവഗണിക്കുക, രാത്രി റിഫ്‌ലക്ട് ചെയ്യുന്ന രീതിയിലുള്ള വസ്ത്രങ്ങള്‍, ശരിയായ വെളിച്ചം തുടങ്ങിയ അവശ്യ സുരക്ഷാ സംവിധാനങ്ങളൊന്നും ഇല്ലാതെ വാഹനമോടിക്കുക തുടങ്ങിയ നിയമലംഘനങ്ങള്‍ക്ക് അതോറിറ്റി ഉടമകള്‍ക്ക് 251 പിഴയും ചുമത്തിയിട്ടുണ്ട്.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Dubai Police seize scooters and cycles in non-permissible areas, enforcing traffic rules.