ചെറുപുഴ: കേന്ദ്രത്തിലും കേരളത്തിലും ഭരണമില്ലെങ്കിലും കോണ്‍ഗ്രസ് തിരിച്ചുവരവിന്റെ പാതയില്‍ തന്നെയാണെന്ന് കെ.പി.സി.സി ജനറല്‍ സെക്രട്ടറി പി. രാമകൃഷ്ണന്‍. കോണ്‍ഗ്രസ് ചെറുപുഴ മണ്ഡലം 151 ബൂത്ത് കുടുംബ സംഗമം ഉദ്ഘാടനം ചെയ്യുകയായിരുന്നു അദ്ദേഹം. ഭരണമില്ലാത്ത അവസ്ഥ മുന്‍പും കോണ്‍ഗ്രസിനുണ്ടായിട്ടുണ്ട്. അതുകൊണ്ട് കോണ്‍ഗ്രസ് തകര്‍ന്നുവെന്ന് ആരും ധരിക്കേണ്ടതില്ലെന്നും പി. രാമകൃഷ്ണന്‍ പറഞ്ഞു.
സിജു ജോയി പള്ളത്തുകുഴി അധ്യക്ഷനായി. കെ.എസ്.യു സംസ്ഥാന വൈസ് പ്രസിഡന്റ് വി.പി അബ്ദുല്‍ റഷീദ് ഇന്ദിര അനുസ്മരണ പ്രഭാഷണം നടത്തി.
കെ.പി.സി.സി അംഗം വി. കൃഷ്ണന്‍ മുതിര്‍ന്ന കോണ്‍ഗ്രസ് പ്രവര്‍ത്തകരെ ആദരിച്ചു. ബ്ലോക്ക് കോണ്‍ഗ്രസ് പ്രസിഡന്റ് കെ.കെ സുരേഷ് കുമാര്‍, മണ്ഡലം പ്രസിഡന്റ് തങ്കച്ചന്‍ കാവാലം, ജമീല കോളയത്ത്, സതീശന്‍ കാര്‍ത്തികപ്പള്ളി, സിബിന്‍ ജോസഫ്, കെ.ജെ ടൈറ്റസ്, രജീഷ് പാലങ്ങാടന്‍, മിഥിലാജ് പുളിങ്ങോം, എന്‍.എസ് കുട്ടപ്പന്‍, ടി.വി ബാലന്‍, വി. രാജന്‍, ലിജി എബ്രാഹം സംസാരിച്ചു.