20 കിലോ മീറ്റര്‍ നടത്ത മത്സരത്തില്‍ പങ്കെടുത്ത ഇന്ത്യയുടെ മലയാളി താരം കെ.ടി ഇര്‍ഫാന്‍ 23ാം സ്ഥാനത്ത് ഫിനിഷ് ചെയ്തു. 58 താരങ്ങള്‍ മത്സരിച്ച ഇനത്തില്‍ 1.21.40 സെക്കന്‍ഡിലാണ് ഇര്‍ഫാന്‍ ഫിനിഷ് ചെയ്തത്. മറ്റ് ഇന്ത്യന്‍ താരങ്ങളായ ദേവേന്ദര്‍ സിങ് 50ാം സ്ഥാനത്തും ഗണപതി കൃഷ്ണന്‍ 53ാം സ്ഥാനത്തുമാണ് എത്തിയത്. ഇന്ത്യന്‍ താരങ്ങളില്‍ ഇര്‍ഫാന്റേതാണ് മികച്ച പ്രകടനം. കൊളംബിയന്‍ താരം എയ്ദര്‍ അരെവലോയ്ക്കാണ് സ്വര്‍ണം.
ഇതേ പോരാട്ടത്തിന്റെ വനിതാ വിഭാഗത്തില്‍ മത്സരിച്ച കുഷ്ഭിര്‍ കൗര്‍ 42ാം സ്ഥാനത്താണ് മത്സരം പൂര്‍ത്തിയാക്കിയത്. 52 താരങ്ങളാണ് വനിതാ വിഭാഗത്തില്‍ മാറ്റുരച്ചത്. നേരിയ വ്യത്യാസത്തില്‍ ചൈനയുടെ ജിയായു യങ് മെക്‌സിക്കന്‍ താരം മരിയ ഗോണ്‍സാലെസിനെ പിന്തള്ളി സ്വര്‍ണം പിടിച്ചെടുത്തു.