HOME
DETAILS

കെ.എം.സി.സി സ്വാതന്ത്ര്യദിനാഘോഷം 17ന്: എം.പി.അബ്ദുസ്സമദ് സമദാനി ബഹ്‌റൈനിലെത്തും

  
backup
August 14 2017 | 03:08 AM

%e0%b4%95%e0%b5%86-%e0%b4%8e%e0%b4%82-%e0%b4%b8%e0%b4%bf-%e0%b4%b8%e0%b4%bf-%e0%b4%b8%e0%b5%8d%e0%b4%b5%e0%b4%be%e0%b4%a4%e0%b4%a8%e0%b5%8d%e0%b4%a4%e0%b5%8d%e0%b4%b0%e0%b5%8d%e0%b4%af%e0%b4%a6

 

മനാമ: ബഹറൈന്‍ കെ.എം.സി.സി. സംഘടിപ്പിക്കുന്ന ഇന്ത്യന്‍ സ്വാതന്ത്ര്യദിനാഘോഷം ഓഗസ്റ്റ് 17ന് മനാമയിലെ ബഹ്‌റൈന്‍ കേരളീയ സമാജത്തില്‍ നടക്കുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.
'നാനാത്വത്തില്‍ ഏകത്വം' എന്ന പ്രമേയത്തില്‍ നടക്കുന്ന പരിപാടിയില്‍ പ്രമുഖ വാഗ്മിയും മുന്‍ പാര്‍ലമെന്റ് അംഗവുമായ എം.പി അബ്ദുസ്സമദ് സമദാനി പ്രമേയ പ്രഭാഷണം നടത്തും. ഇതിനായി സമദാനി അടുത്ത ദിവസം ബഹ്‌റൈനിലെത്തും.
ഇന്ത്യാ രാജ്യം ഏറെ വെല്ലുവിളികള്‍ നേരിടുന്ന സാഹചര്യത്തിലാണ് ഇത്തവണ സ്വാതന്ത്ര ദിനാഘോഷം സംഘടിപ്പിക്കുന്നതെന്നും ബഹ്‌റൈനിലെ മുഴുവന്‍ പ്രവാസി മലയാളികളെയും പരിപാടിയിലേക്ക് ക്ഷണിക്കുന്നതായും ഇന്ത്യയുടെ ബഹുസ്വര സന്ദേശം ഊട്ടിയുറപ്പിക്കുവാന്‍ ഈ പരിപാടി സഹായകരമാകുമെന്നാണ് പ്രതീക്ഷയെന്നും ഭാരവാഹികള്‍ അറിയിച്ചു.

കൂടുതല്‍ വിവരങ്ങള്‍ക്ക് 0097333498116 ,33452334 എന്നീ നമ്പറുകളില്‍ ബന്ധപ്പെടാവുന്നതാണ്.
മനാമയിലെ കെ.എം.സി.സി ആസ്ഥാനത്ത് നടന്ന വാര്‍ത്താസമ്മേളനത്തില്‍ കെ എം സി സി സംസ്ഥാന പ്രസിഡന്റ് എസ്.വി ജലീല്‍ ,ജനറല്‍ സെക്രട്ടറി അസൈനാര്‍ കളത്തിങ്ങല്‍ ,ഓര്‍ഗനൈസിംഗ് സെക്രട്ടറി ശംസുദ്ധീന്‍ വെള്ളിക്കുളങ്ങര ഭാരവാഹികളായ ഷാഫി പാറക്കട്ട,ഗഫൂര്‍ കൈപ്പമംഗലം,പി.വി.സിദ്ദിഖ്,മൊയ്ദീന്‍കുട്ടി ,കെ.കെ.സി.മുനീര്‍ ,മീഡിയ കോഡിനേറ്റര്‍ തേവലക്കര ബാദുഷ എന്നിവര്‍ സംബന്ധിച്ചു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."