ടൂറിസം മേഖലയിൽ നിയന്ത്രണങ്ങൾ ശക്തമാക്കുന്നതിന്റെ ഭാഗമായി റിയാദിൽ അനധികൃതമായി പ്രവർത്തിച്ചിരുന്ന 10 ട്രാവൽ ഏജൻസികൾ അടച്ചുപൂട്ടി സഊദി ടൂറിസം മന്ത്രാലയം. ലൈസൻസ് ഇല്ലാതെ പ്രവർത്തിച്ചതും അനുമതിയില്ലാത്ത ഉംറ, തീർത്ഥാടന പാക്കേജുകൾ സംഘടിപ്പിച്ചതും ഈ നടപടിക്ക് കാരണമായി. 

തീർത്ഥാടകരെ കൊണ്ടുപോകുന്നതിന് ലൈസൻസില്ലാത്ത വാഹനങ്ങൾ ഉപയോഗിച്ചതും മക്കയിലും മദീനയിലും അനധികൃത താമസ സൗകര്യങ്ങളിൽ അവരെ പാർപ്പിച്ചതും നിയമലംഘനങ്ങളിൽ ഉൾപ്പെടുന്നുവെന്ന് മന്ത്രാലയം അറിയിച്ചു.

ALSO READ: ഷാർജ: അൽ മജാസ് പ്രദേശത്തെ അപ്പാർട്ട്മെന്റിലുണ്ടായ തീപിടുത്തത്തിൽ ഇന്ത്യൻ വനിതക്ക് ദാരുണാന്ത്യം

രാജ്യത്തെ ടൂറിസം പ്രവർത്തനങ്ങൾ ഔദ്യോഗിക ലൈസൻസിംഗ് മാനദണ്ഡങ്ങൾ പാലിക്കുന്നുണ്ടെന്ന് ഉറപ്പാക്കാനുള്ള വിപുലമായ ശ്രമങ്ങളുടെ ഭാഗമാണ് ഈ നടപടി. ലൈസൻസ് ഇല്ലാതെ പ്രവർത്തിക്കുകയോ അനുവദനീയമായ സേവനങ്ങളുടെ പരിധിക്കപ്പുറം പ്രവർത്തനങ്ങൾ നടത്തുകയോ ചെയ്യുന്ന ഏജൻസികളെ പ്രത്യേകമായി ലക്ഷ്യമിട്ടാണ് പരിശോധന നടത്തിയത്. ഇത്തരം പ്രവർത്തനങ്ങൾ തീർത്ഥാടകർക്കും സന്ദർശകർക്കും ഗുരുതരമായ അപകടങ്ങൾ സൃഷ്ടിക്കുകയും, സഊദി അറേബ്യയുടെ ടൂറിസം വ്യവസായത്തിന്റെ ഗുണനിലവാരവും സുരക്ഷയും ഇല്ലാതാക്കുകയും ചെയ്യുമെന്ന് ഉദ്യോഗസ്ഥർ ചൂണ്ടിക്കാട്ടി.

“ടൂറിസ്റ്റുകളുടെയും സന്ദർശകരുടെയും അവകാശങ്ങൾ സംരക്ഷിക്കുകയും ദേശീയ ടൂറിസം തന്ത്രത്തിന് അനുസൃതമായി സേവനങ്ങളുടെ ഗുണനിലവാരം വർധിപ്പിക്കുകയുമാണ് ഈ കാമ്പയിനിന്റെ ലക്ഷ്യം,” മന്ത്രാലയം പ്രസ്താവനയിൽ വ്യക്തമാക്കി. 

ALSO READ: ഇന്റർപോളിന്റെയും, യൂറോപോളിന്റെയും മോസ്റ്റ് വാണ്ടഡ് ലിസ്റ്റിൽ; മൂന്ന് ബെൽജിയൻ പൗരൻമാരെ അറസ്റ്റ് ചെയ്ത് ദുബൈ പൊലിസ്

നിയമലംഘകർക്ക് 50,000 സഊദി റിയാൽ വരെ പിഴ ലഭിക്കാം. കൂടാതെ, ആവർത്തിച്ചുള്ള നിയമലംഘനങ്ങൾക്ക് 10 ലക്ഷം റിയാൽ വരെ പിഴയോ, ഓഫീസ് അടച്ചുപൂട്ടലോ, അല്ലെങ്കിൽ രണ്ടും ഒരുമിച്ചോ ശിക്ഷയായി ലഭിക്കാം.

എല്ലാ ടൂറിസം ഓപ്പറേറ്റർമാരോടും അവരുടെ ലൈസൻസ് നിബന്ധനകൾ കർശനമായി പാലിക്കണമെന്നും, സുരക്ഷിതവും വിശ്വസനീയവുമായ യാത്രാ അനുഭവങ്ങൾ ഉറപ്പാക്കാൻ ഔദ്യോഗികമായി അംഗീകൃത ഏജൻസികളുമായി മാത്രം ഇടപാട് നടത്തണമെന്നും മന്ത്രാലയം പൊതുജനങ്ങളോട് അഭ്യർത്ഥിച്ചു.

ഹോസ്പിറ്റാലിറ്റി സേവനങ്ങളുമായി ബന്ധപ്പെട്ട ലംഘനങ്ങളോ പരാതികളോ റിപ്പോർട്ട് ചെയ്യാൻ ടൂറിസ്റ്റുകളോടും താമസക്കാരോടും 930 എന്ന ഏകീകൃത ടൂറിസം ഹോട്ട്‌ലൈനിൽ ബന്ധപ്പെടാൻ മന്ത്രാലയം അറിയിച്ചു.

The Saudi Ministry of Tourism has shut down 10 travel service offices in Riyadh for operating without licenses and organizing unauthorized Umrah and visitation packages. This enforcement action aims to strengthen regulatory compliance in the tourism sector and protect tourists' rights. Violators face penalties, including fines up to SR50,000, and repeat offenders may face sanctions of up to SR1 million or office closures ¹.