സ്പാനിഷ് വമ്പന്മാരായ ബാഴ്‌സലോണയിൽ ഇതിഹാസ താരം ലയണൽ മെസിക്കൊപ്പം കളിച്ചപ്പോഴുണ്ടായിരുന്ന അനുഭവത്തെക്കുറിച്ച് പങ്കുവെച്ചിരിക്കുകയാണ് മുൻ ബാഴ്സലോണ താരം ഇവാൻ റാക്കിറ്റിച്ച്. മറ്റുള്ളവരുടെ മേൽ തനിക്ക് ഉണ്ടായിരുന്ന സ്വാധീനത്തെക്കുറിച്ച് മെസിക്ക്  പലപ്പോഴും അറിയില്ലായിരുന്നുവെന്നാണ് ഇവാൻ റാക്കിറ്റിച്ച് പറഞ്ഞത്. ക്ലബ്ബിനെ സ്നേഹിക്കുന്നതുകൊണ്ടു മാത്രമല്ല, മെസിയോടുള്ള ആരാധന കൊണ്ടും നിരവധി താരങ്ങൾ ബാഴ്‌സലോണയിൽ ചേരുന്നുണ്ടെന്നും റാക്കിറ്റിച്ച് അഭിപ്രായപ്പെട്ടു.

''തന്റെ സാന്നിധ്യം കൊണ്ട് ആളുകളെ ആകർഷിക്കാനുള്ള കഴിവ് അദ്ദേഹത്തിന് അറിയില്ലായിരുന്നു. ഞങ്ങളിൽ പലരും ബാഴ്‌സലോണയിൽ ഉള്ളത് തീർച്ചയായും ഈ ക്ലബ്ബിനെ സ്നേഹിക്കുന്നതുകൊണ്ടാണ്, മാത്രമല്ല നിങ്ങളോടൊപ്പം ഒരേ ടീമിൽ കളിയ്ക്കാൻ ഇഷ്ടപ്പെടുന്നത് കൊണ്ടുമാണ്'' ഇവാൻ റാക്കിറ്റിച്ച് ബാഴ്സ യൂണിവേഴ്സലിന് നൽകിയ അഭിമുഖത്തിൽ പറഞ്ഞു. 

ഫുട്ബോളിൽ ലയണൽ മെസിക്കൊപ്പം ഏറ്റവും കൂടുതൽ തവണ ഒരുമിച്ച് കളിച്ച താരങ്ങളിൽ ഒരാളാണ് റാക്കിറ്റിച്ച്.  ബാഴ്‌സലോണയിൽ മെസിക്കൊപ്പം 277 മത്സരങ്ങളിലാണ് റാക്കിറ്റിച്ച് ഒരുമിച്ച് കളിച്ചത്. ഇതിൽ 27 ഗോളുകളാണ് ഇരുവരും ചേർന്ന് നേടിയത്. ഓരോ മത്സരങ്ങളിലും ശരാശരി 2.35 പോയിന്റുകൾ ആണ് ഇരുവരും സ്വന്തമാക്കിയത്. 

ALSO READ: വീണ്ടും അമ്പരിപ്പിക്കുന്ന റെക്കോർഡ്; മെസിയുടെ ഗോൾ മഴയിൽ പിറന്നത് പുതിയ ചരിത്രം

അതേസമയം മെസി ഇപ്പോഴും ഫുട്ബോളിൽ മിന്നും പ്രകടനങ്ങളാണ് തന്റെ ടീമിന് വേണ്ടി നടത്തിക്കൊണ്ടിരിക്കുന്നത്. മെസി നിലവിൽ മേജർ ലീഗ് സോക്കർ ക്ലബായ ഇന്റർ മയാമിക്ക് വേണ്ടിയാണ് കളിക്കുന്നത്. മെസിയുടെ വരവോടെ ഇന്റർ മയാമി ലീഗിൽ മിന്നും പ്രകടനമായിരുന്നു നടത്തിയിരുന്നത്. ക്ലബ്ബിന്റെ ചരിത്രത്തിൽ ഇതുവരെ ഇല്ലാതിരുന്ന ലീഗ്‌സ് കപ്പ് കിരീടവും മെസിയുടെ നേതൃത്വത്തിൽ ആണ് മയാമി സ്വന്തമാക്കിയത്. 

Former Barcelona player Ivan Rakitic has shared his experience playing alongside legendary star Lionel Messi at Spanish giants Barcelona