ഗൂഡല്ലൂര്‍: വിവിധ ആവശ്യങ്ങളുന്നയിച്ച് സംയുക്ത ട്രേഡ് യൂനിയന്റെ ആഭിമുഖ്യത്തില്‍ പന്തല്ലൂരിലും ഊട്ടിയിലും ധര്‍ണ നടത്തി. കേന്ദ്ര സര്‍ക്കാരിന്റെ തെറ്റായ നയത്തില്‍ പ്രതിഷേധിച്ച് സെപ്റ്റംബര്‍ രണ്ടിന് നടക്കുന്ന ദേശീയ പണിമുടക്കിന്റെ ഭാഗമായാണ് സമരം നടത്തിയത്. തൊഴിലില്ലായ്മക്ക് പരിഹാരം കാണുക, വിലക്കയറ്റം തടയുക തുടങ്ങിയ ആവശ്യങ്ങള്‍ ഉന്നയിച്ചാണ് സമരം നടത്തിയത്.
പന്തല്ലൂര്‍ ബസ് സ്റ്റാന്‍ഡിന് മുന്നില്‍ നടന്ന ധര്‍ണ സുബ്രഹ്മണ്യന്‍ ഉദ്ഘാടനം ചെയ്തു. മാടസ്വാമി അധ്യക്ഷനായി. സി.ഐ.ടി.യു ജില്ലാ പ്രസിഡന്റ് കെ രാജന്‍, വി.എ ഭാസ്‌കരന്‍, പി രമേശ്, കുത്തുകുമാര്‍, ശ്രീനി എന്നിവര്‍ സംസാരിച്ചു. ഊട്ടി ബസ് സ്റ്റാന്‍ഡിന് മുന്നില്‍ നടന്ന ധര്‍ണ ഐ.എന്‍.ടി.യു.സി ജില്ലാ വൈസ് പ്രസിഡന്റ് ശെല്‍വകുമാര്‍ ഉദ്ഘാടനം ചെയ്തു. സി.ഐ.ടി.യു ജില്ലാ സെക്രട്ടറി ജെ ഹാള്‍ദുരൈ അധ്യക്ഷനായി. ഭോജരാജ്, ഗുണശീലന്‍, മൂര്‍ത്തി എന്നിവര്‍ സംസാരിച്ചു.