തൃശൂര്‍: സംഘപരിവാര്‍ ഫാസിസത്തിനും കേന്ദ്ര സര്‍ക്കാരിന്റെ ജനദ്രോഹനയങ്ങള്‍ക്കുമെതിരെ എ.ഐ.വൈ.എഫ് സംഘടിപ്പിക്കുന്ന സമര ഐക്യ സംഗമം സ്വാതന്ത്ര്യദിനത്തില്‍ നടക്കും. ജില്ലയില്‍ 12 കേന്ദ്രങ്ങളിലാണ് 15ന് സമരഐക്യ സംഗമം നടക്കുന്നത്. ചാലക്കുടി മണ്ഡലത്തിലേത് 16നും സംഘടിപ്പിക്കും.
മണലൂര്‍ മണ്ഡലം കമ്മിറ്റി പൂവത്തൂരില്‍ സംഘടിപ്പിക്കുന്ന സമര ഐക്യ സംഗമം സി.പി.ഐ ദേശീയ എക്‌സി.അംഗം ബിനോയ് വിശ്വം ഉദ്ഘാടനം ചെയ്യും. എന്‍.കെ സുബ്രഹ്മണ്യന്‍, പി.കെ കൃഷ്ണന്‍, കെ.വി വിനോദന്‍, രാഗേഷ് കണിയാംപറമ്പില്‍ സംസാരിക്കും.
തൃശൂര്‍ മണ്ഡലം കമ്മിറ്റി അയ്യന്തോളില്‍ സംഘടിപ്പിക്കുന്ന പരിപാടി സി.പി.ഐ ജില്ലാ സെക്രട്ടറി കെ.കെ വത്സരാജ് ഉദ്ഘാടനം ചെയ്യും. എം വിജയന്‍, അഡ്വ.കെ.ബി സുമേഷ്, കെ.എന്‍ രഘു തുടങ്ങിയവര്‍ സംസാരിക്കും.
കൊടുങ്ങല്ലൂര്‍ മണ്ഡലത്തിലെ വെള്ളാങ്ങല്ലൂരില്‍ സി.പി.ഐ ജില്ലാ അസി.സെക്രട്ടറി അഡ്വ.ടി.ആര്‍ രമേഷ്‌കുമാര്‍ ഉദ്ഘാടനം ചെയ്യും. അഡ്വ.വി.ആര്‍ സുനില്‍കുമാര്‍ എം.എല്‍.എ, കൊടുങ്ങല്ലൂര്‍ നഗരസഭാ ചെയര്‍മാന്‍ സി.സി വിപിന്‍ചന്ദ്രന്‍, ടി.ആര്‍ ജിതിന്‍ തുടങ്ങിയവര്‍ സംസാരിക്കും.
ഇരിങ്ങാലക്കുടയില്‍ സി.പി.ഐ കോഴിക്കോട് ജില്ലാ അസി.സെക്രട്ടറി ആര്‍. ശശി ഉദ്ഘാടനം ചെയ്യും. കെ ശ്രീകുമാര്‍, ടി.കെ സുധീഷ്, പി മണി, കെ.സി ബിജു തുടങ്ങിയവര്‍ സംസാരിക്കും.
വടക്കാഞ്ചേരിയിലെ സമരഐക്യ സംഗമം ജില്ലാ പഞ്ചായത്ത് പ്രസിഡന്റ് ഷീല വിജയകുമാര്‍ ഉദ്ഘാടനം ചെയ്യും. എം.ആര്‍ സോമനാരായണന്‍, പി.കെ പ്രസാദ്, വി.ജെ ബെന്നി, മഹേഷ് സംസാരിക്കും.
ഗുരുവായൂര്‍ മണ്ഡലം കമ്മിറ്റി മന്ദലാംകുന്നില്‍ സംഘടിപ്പിക്കുന്ന പരിപാടി എ.ഐ.വൈ.എഫ് ജില്ലാ പ്രസിഡന്റ് കെ.പി സന്ദീപ് ഉദ്ഘാടനം ചെയ്യും.
നാട്ടികയിലെ തൃപ്രയാര്‍ പോളി ജംഗ്ഷനില്‍ എ.ഐ.ടി.യു.സി ജില്ലാ സെക്രട്ടറി കെ.ജി ശിവാനന്ദന്‍ ഉദ്ഘാടനം ചെയ്യും. കെ.എം ജയദേവന്‍, എം സ്വര്‍ണലത, എന്‍.എ ഫൈസല്‍ തുടങ്ങിയവര്‍ സംസാരിക്കും.
പുതുക്കാട് മണ്ഡലത്തിലെ കോടാലിയില്‍ എ.ഐ.വൈ.എഫ് മുന്‍ സംസ്ഥാന പ്രസിഡന്റ് ജി. കൃഷ്ണപ്രസാദ് ഉദ്ഘാടനം ചെയ്യും. കെ.എം ചന്ദ്രന്‍, വി.കെ അനീഷ്, വി.കെ വിനീഷ് സംസാരിക്കും.
കയ്പമംഗലം പെരിഞ്ഞനത്ത് കിസാന്‍സഭ ജില്ലാ പ്രസിഡന്റ് കെ.വി വസന്ത്കുമാര്‍ ഉദ്ഘാടനം ചെയ്യും. ഇ.ടി ടൈസണ്‍ എം.എല്‍.എ, ബി.ജി വിഷ്ണു, പി.വി മോഹനന്‍, ശ്രീരാഗ് സംസാരിക്കും.
ഒല്ലൂര്‍ മണ്ഡലത്തിലെ പുത്തൂരില്‍ ബി.കെ.എം.യു ജില്ലാ പ്രസിഡന്റ് വി.എസ് പ്രിന്‍സ് ഉദ്ഘാടനം ചെയ്യും. ടി.ആര്‍ രാധാകൃഷ്ണന്‍, പ്രസാദ് പാറേരി, ശ്രീജ പ്രതാപന്‍, കനിഷ്‌കന്‍ സംസാരിക്കും.
16ന് ചാലക്കുടി മണ്ഡലം കമ്മിറ്റിയുടെ സമര ഐക്യ സംഗമം പരിയാരത്ത് നടക്കും. സി.പി.ഐ സംസ്ഥാന എക്‌സി.അംഗം പി പ്രസാദ് ഉദ്ഘാടനം ചെയ്യും. കെ.കെ ഷെല്ലി, പി.എം വിജയന്‍, പി.വി വിവേക്, വി.എം ടെന്‍സണ്‍ സംസാരിക്കും.