മാവൂര്‍: ഗ്രാസിം കാര്യക്ഷമമായിരുന്ന കാലത്ത് ഫൈബര്‍ ക്വാര്‍ട്ടേഴ്‌സില്‍ താമസിച്ചവര്‍ പതിറ്റാണ്ടുകള്‍ക്കു ശേഷം ഒത്തുചേര്‍ന്നു. ഗ്രാസിം മാവൂര്‍ പാറമ്മലിലെ ഫൈബര്‍ ക്വാര്‍ട്ടേഴ്‌സിന്റെ മൂന്നു കെട്ടിടങ്ങളിലായി താമസിച്ചവരാണ് ഓര്‍മകള്‍ പങ്കുവയ്ക്കാനായി ഇന്നലെ പുനഃസംഗമിച്ചത്. ഇവരെ സ്വീകരിക്കാന്‍ സമീപവീടുകളില്‍ താമസിച്ചിരുന്ന നിരവധി കുടുംബങ്ങള്‍ എത്തിയിരുന്നു. ഫാക്ടറി അടച്ചുപൂട്ടിയതോടെ പലഭാഗത്തേക്കും പോയവരാണ് ഒത്തുചേര്‍ന്നത്. നവമാധ്യമങ്ങള്‍ ഉപയോഗിച്ചാണ് സംഗമവിവരം അറിയിച്ചത്.